Kinuwestiyon ni Iloilo 1st District Rep. Janette Garin ang kredibilidad ni Cassandra Li Ong at sinabing ang pagbaba ng blood sugar nito ay gawa-gawa lamang o “self-inflicted.”

"It is very clear that the hypoglycemia or pagbaba ng sugar was self-inflicted," saad ni Garin sa pagdinig ng House of Representatives quad-committee nitong Huwebes, September 19, 2024.

“I hope I'm wrong but your actions...reflect a complete picture of a pathological liar,” dagdag pa niya.

Matatandaang kinailangang dalhin sa ospital si Ong matapos bumaba ang blood sugar nito sa kalagitnaan ng pagdinig noong September 4, 2024.

Si Ong ay nahaharap sa kaso ng money laundering at qualified trafficking charges dahil sa partisipasyon umano niya sa Whirlwind Corporation at Lucky South 99, na iniuugnay sa ilegal na operasyon ng POGO.