Pherzawl, August 11, 2021, Virthli (ONP): Zani khan Joutung le Bukpi inkar, National Highway (NH-2) ah mimkei nasatak a tlung. Hi mimkei leiin motor inlawn hai a chawkbuoi hle a, abikin Tipaimukh biel mipuihai ta dingin a pawi bik zuol hle. Zani zingkar inhmataka Tipaimukh biel a medical hmangruo chi tum tum le medical staff hai thak dinga fe Ambulance khawm hi lai hmun a hin an tang a, zani var laia Parbung CHC tlung hman dinga ambulance le medical staff fe hai khawm hi lai mimkei a hin an intang. Chanchin ei dawng danin lampui chim hi vawisun NHIDCL hai JCB in nawr fai mek niin thu dawng a nih a, sien khawm lampui hi a la chim sap zing leiin hun a la lak met ding niin ei thu dawng a chun a hril.