اليوم راح نحكي عن الرعشة .. وبنسمع عنها كثير خبريات وقصص وما بنعرف شو المزبوط وللي مش مزبوط . واليوم راح نفهم شو الفرق بين المرأة والرجل ، بس يشعروا بالرعشة.


تا انبلش بتعريف النشوة :
وهي أعلى مراحل من الاثارة الجنسية ، وهي شعور من اللذة بس شعور قصير ، ومع هالشعور الشخص راح يحس بتقلصات في الحوض والاعضاء الجنسية، يعني المرأة راح تحس من 5 الى 15 تقلص بعضلات المهبل والرجل راح يحس بالتقلصات وراح يطلع السائل المنوي، لانو هالتقلصات راح تسبب القذف، وهون الفرق الاول بين الرجل والمرأة.


المرأة عادة ما عندها قذف ، لكن من 5% الى 10 % من النساء راح يطلع عند النشوة سائل أبيض قليل يجي من غدد موجودة حول مجرى البول، بس عن جد هالظاهرة كثير نادرة.


وعندنا ظاهرة نادرة ثانية بنسميها المرأة الشلاله، التي يتدفق منها سائل شفاف عند الاثارة والنشوة ، هذا السائل عادة يجي من تحفيز الجدار الامامي من المهبل ومجرى البول ، والسائل راح يجي اكثر من المبوله بس منو بول ، وكمان هذه الظاهرة ما بتصير مع كثير من النساء ، وليست علامة اساسية للذة عند المراة .


بس بما انو المرأة بس توصل للنشوة عندها كثير تقلصات بالمهبل ، اكيد فها عم تعمل حالها توصل للنشوة ، لانو الرجل لا يعرف اذا المرأة وصلت معه لنشوة .


الفرق الثاني :
هو انو المرأةة بدها وقت شوي تا توصل لنشوة ، يعني بدها حوالي ربع ساعة كرمال توصل لرعشة ، اما الرجل يحتاج من دقيقة الى 3 دقائق ، بس لا تقلقوا هون ، لان راح نوصل للفرق الثالث ,


وهو انو المرأة بحاجة لتحفيز لكل جسمها ، وبعدين بحاجة الى تحفيز البظر للي هو خارجي ومش داخلي تا تقدر توصل لنشوة ، اما الرجل بحاجة لتحفيز العضو الذكري 90% من الرجال بحاجة لتحفيز العضو الذكري للوصول الى النشوة.


لذلك انو الرجل عندو كثير وقت انو يهتم بشريكته ، بكل جسمها واعضائها الجنسية ، وبعد راح يمضوا من 3 الى 5 دقائق اثناء الادخال ، وهون بنحب نذكر انو مش كل النسوان راح يوصلوا لنشوة بالادخال ، بس 30% من النساء راح يقدرو يوصلوا لنشوء بالادخال .


الفرق الرابع :
انو المراة بعد اول نشوة فيها ترجع توصل لنشوة مرتين الى عشر مرات ، بس هذا الشئ ما بيصير عند كل النسائء اكيد ، وهذا الفرق مع الرجل عند القذف راح يخسر الانتصاب وما راح يقدر يعيد الانتصاب الا بعد دقيقتين عند الشباب ونصف ساعة عند الرجال فوق 30 وبعض الاوقات من يومين الى ثلاث ايام بس يصير الرجل عندو 80 سنة.


بنذكر انو في كثير فروق بين المراة والرجل بالنسبة لنشوة ، بس بهمنا اكثر شئ انو تقدروا تحكوا عن الموضوع وتنبسطوا سواى.


شكرا ... #النشوة