Published On Oct 10, 2024
#اسرار مطبخي# ⭐️⭐️خليه النحل بالحشوه الاصليه
٣ كوب دقيق
معلقه كبيره خميره
معلقه صغيره بيكنج بودر
نص معلقه صغيره ملح
كوب حليب دافئ
٣ معلقه كبيره زيت او زبده
معلقه كبيره عسل او سكر
بيضه او ٢ معلقه كبيره زبادى اختيارى ممكن نستغنى عن الاتنين
للحشوه
مكعبات جبنه كيرى
جبنه موتزريلا
معلقه كبيره سكر
للوجه
بيضه + معلقه حليب + رشه نسكافيه
او ندهنها بالحليب فقط بس اللون هنا بيكون ذهبى فاتح
سمسم محمص وحبه البركه اختيارى
الشربات
كوب سكر
نص كوب ماء
معلقه كبيره عسل
او نستخدم بديل للشربات حليب مكثف محلى جاهز او بيتى
نص كوب حليب بودر
نص كوب سكر بودر
ربع كوب ماء ساخن
مكعب زبده
بنجهز الشربات بالطريقه العاديه او بنجهز الحليب المكثف بنضع كل المكونات فى الخلاط ونضربها لحد ما يبقى الخليط ناعم تماما ونفضيه فى برطمان نضيف ونتركه يبرد قبل ما نغطيه
بنجهز الحشوه ممكن تبقى جبنه كيرى فقط او الجبنه الكيرى نخلطها مع الجبنه الموتزريلا مع معلقه السكر ونبدا نعمل الخلطه كور ونجهزها للحشو
بنجهز العجين بنخلط المكونات الجافه ثم نضيف الحليب ( وطبعا لو تنضيف الزبادى او البيضه بنضيف الحليب وحده وحده حسب الحاجه ) ونعجن وبعد ما تتكون عجينه معانا نبدا نضيف الزيت او الزبده ونعجن ل١٠ دقائق ونتركها تخمر
بنفرد العجينه مربع ونبدا نقطعها مربعات صغيره نعملها كور ونتركها ترتاح ل١٠ دقائق ثم ناخد كوره كوره نفردها ونحشيها بالجبنه ونقفلها كوره تانى كويس جدا ونرسها فى صنيه مدهونه بالزيت ونسيب مسافه صغيره بين كل كوره والتانيه عشان هنسيبها تخمر تانى لنص ساعه
بعد ما بنخلص كل الكميه بندهنها بالبيضه المخفوقه مع الحليب والنسكافيه وهنا فى اختيارين للسمسم ممكن نرشه قبل ما تدخل الفرن او نرشه عليها بعد ما تخرج من الفرن
بندخلها الفرن الساخن على حراره ٢٠٠ واول ما تاخد لون ذهبى من تحت وفوق نطفى النار لو اخدت لون من تحت الاول بنطفى الفرن ونشغل الشوايه تاخد لون من فوق
اول ما بتخرج بنسقيها بالشربات او الحليب المكثف المحلى والف هنا
