Diell an emsav. "Brezhoned sonn" a voe skrivet gant an emsaver brudek Goulvenn Pennaod (1928-2000) war un ton alaman brudet. E gwir n'eo nemet un adtapadenn eus "Bretoned sonn" bet skrivet gant Olier Mordrel. Stumm Pennaod a zo enni klotennoù diabarzh ha diavaez avat, ha pemp poz e-lec'h pevar, pezh a ra d'ar ganaouenn bezañ hesonoc'h e meur a zoare.
Ar ganaouenn-mañ zo tennet eus ur bladenn anvet "Kanoù broadelour Breizh" chomet diembann betek-henn. Enrollet ha sonvesket e oa bet gant The Swan Production, e Breizh.