الاسبوع ده ، السيسي قاعد في أمان الله كده بيريح بعد ما خد له لفة بالعجلة ..، لقى التليفون بيرن ، رد لقاه طارق عامر رئيس البنك المركزي ، بيقول له ياريس انا قررت اتنحى .. السيسي قال له متقرفوناش بقى ياعم ، هتبقى انت وعمك وعبد الناصر ؟ انتوا بتتعاطوا التنحي ده حقن ياعم ؟ وبعدين ما تستنى شوية وتعتزل في مجدك كده ، كلها ٢٠ سنة والدولار يوصل ٤ جنيه زي ما قلت مستعجل ليه ؟ قال له والله ياريس العضمة كبرت بقى وطباخ السم بيدوقه ، فضلت أعمل تضخم تضخم لحد ما انا شخصيا جالي انتفاخ ومبقيتش قادر بقى.. السيسي قال له طب والتعويم يا اسطى ؟ أوعى تاخد العوامات وأنت ماشي ، وبعدين انا هلاقي فين دلوقتي واحد في كفاءتك واخلاصك وفسادك ؟ قال له عيب ياريس ده انا لحم كرشي اللي مليان فلوس ده من خيرك ..انا برشح لك واحد أفسد مني ، ايه رأيك في حسن عبد الله ؟ راجل ملطوط وعليه قضايا فساد وإهدار مال عام  ب ١١ مليار جنيه، من ايام ما كان العضو المنتدب للبنك العربي الافريقي..السيسي قال له على ضمانتك يعني ؟ انا باثق فيك يا طروقة ..قال له ياريس انت ناسي ولا ايه ما انت معينه رئيس المتحدة للإعلام اصلا .. السيسي قال له وأنا مخي دفتر يعني ؟ عموما اتكل انت على الله وأنا هكلم عباس يستلقط لنا حرامي جديد يمسك المتحدة وخلاص.

للدعم على Patreon :
  / ahmedbehiry  

اشترك في القناة الرسمية على تليجرام:
https://t.me/ABehiry

الصفحة الرسمية لاحمد بحيري علي الفيسبوك
  / أحمد-بحيري-ahmed-behiry-109415711865636  

الصفحة الرسمية علي تويتر
  / ahmedbehiry  

اشترك في القناة لمتابعة الحلقات الجديدة
http://goo.gl/2KheJZ

المصادر:

- أعلم أهل الأرض
http://www.قooقle.com