Published On Nov 5, 2021
Its a Tulu Bhavageete written by Kavi Sri Mahendranath saalethur
Tune composer/Singer :: Smt.Manjula.G.Rao IRA
Lyrics
ತುಡರ ಪರ್ಬ
ತುಡರ ಪರ್ಬೊಯೆ ತುಳುವ ತುಡರ ಪರ್ಬೊಯೆ
ಬಾನ ಮಿತ್ತ್ ಬೊಲ್ಲಿ ಬೊಲ್ಪು ಬೂಮಿ ನಡೆಟ್ ತುಡರ ಬೊಲ್ಪು
ಬಲೆಕಿ ಮರಟ್ ಅರಳಿ ಬೊಲ್ಪು ಸಿಂಗಾರಯೆ
ಬಜಿಲ್ ಕೊಡಿಟ್ ಬಲಸಿನಲ್ಪ ಪೊಲಿ ಪೊಲ್ಸುಯೆ
ತಡ್ಪೆದುಲಯಿ ಬಾರ್ ಪಾಡ್ದ್ ಬಚ್ಚಿರೆ ಪೂಳುನು ದೀದ್
ಬಲಿನ್ ಎದುಕೊನುನ ಪರ್ಬ ಬೆನ್ನಿ ಪರ್ಬೊಯೆ
ತುಳುವೆರೆಗ್ ಪರ್ಬ ಪಂಡ ತುಡರ ಪರ್ಬ ಅವು ಒಂಜೆ
ಪತ್ತನಾಜೆ ಕರಿದ್ ಬರ್ಪಿ ತುಡರ ಪರ್ಬಯೆ
ಮೈ ಎಣ್ಣೆಡ್ ಮಾಲಚಿಮಿ ಗುರ್ಕೆಡಾನಿ ಗಂಗೆ ನೀರ್
ಮೀಪಿ ಪರ್ಬ ಬೊಂತೆಲ್ ದ ಕೊಡಿ ಪರ್ಬಯೆ
ಸೈತ್ ನಕುಲೆ ಕೊಡಿ ಪರ್ಬ ಜೀವದಕುಲೆ ನಡು ಪರ್ಬ
ಕಂಜಿ ಕೈಕಂಜಿಲೆನ ಕಡೆ ಪರ್ಬೊಯೆ
ಇಲ್ಲ ಜಾಲ್ ಅರಿ ಬಾರ ಸಿರಿ ತುಪ್ಪೆ ನಟ್ಟಿಕಾಯಿ
ಕರಿನಕುಲೆಗ್ ಬಜಿಲ್ ಪಾಡುನಂಚಿ ಪರ್ಬೊಯೆ
ಕಂಜಿ ಕೈಕಂಜಿಲೆಗ್ ಪೂಜಿದೆಣ್ಣೆ ಮೀಪಾದ್
ತಡ್ಪೆ ಬಜಿಲ್ ಆರತಡ್ಯೆ ಪೂಮಾಲೆಯೆ
ಒಂಜಿ ತುಡರ ನಿನೆ ಬೊಲ್ಪು ಇರ್ಲ್ ನಂಚಿ ಮಾಜಾವು
ಇಲ್ಲ ಜಾಲ್ ರ್ದ್ ಕಂಡ ಪುಣಿ ಮುಟ್ಟೊಗು
ಬುಳೆಕ್ ಬೊಲ್ಪು ತೋಜಾದ್ ಅತ್ಯಾರ್ ದೆತ್ತ್ ದೀದ್
ಸಿಂಗಾರ ಮಲ್ತ್ ದಗೆಲ್ ಬಲಸಿ ಪರ್ಬಯೆ
ತುಡರ್ ಸುತ್ತ ಅರ್ಲಾದ್ ಪೊಲಿಪೊಲ್ಸು ನಟ್ಟೊಂದು
ಪೊಸತುತ್ತೈತೋಡು ಮಾತ ನಲಿಪಿ ಪರ್ಬೊಯೆ
ಬಲೆಕಿ ಮರತ ಬೊಲಿಕಿರಿಡ್ ಬಲಿಕ್ ಪೊಲಿನ್ ಲೆತ್ತೊಂದು
ಅ ಜಾಲ ಈ ಜಾಲ ಪೊಲಿ ಪರ್ಬೊಯೆ
-ಕೆ.ಮಹೇಂದ್ರ ನಾಥ್ ಸಾಲೆತ್ತೂರು.ಎಂ.ಎ
#festivals
#Tulu Songs
#Bhavageete
#Diwali
#ದೀಪಾವಳಿ