Tol·ani An·tangna Namgijako Ra·baa

Changsao saksa mande dongachimna.  Uni bimungko James mingachim.
James mande saksa namen pora-skiani bidingo bimchipgipa ong·achim. Aro ian daken pilak nam·gipa kam ka·anioba ua bimchipgipa aro u·igipa mande saksa ong·achim.


James chonnaonin pora-skiani bidingo bimchipgipa  ong·ani gimin uni ma·a-pa rang uko Theology-o Toromko skichina gita poraiatna mangsongahachim. Indiba ua mande namen sengbeahani gimin ua, uni ma·a-pani  mangsongako dakgija an·tangni nam·nika gita, an·tang Nisan (aim) tangko chusokatna uni ma-parangoniko raiko ra·aha. James B.Tech-o admissionko ra·aha aro uni Stream COMPUTER ENGINEERING ong·achim.


Salsao uni B.techko matchotani jamano siani sagre uona re·baaha aro uni re·baani miksonganiko parakjolaha. James! “Na·ade ang baksa rena nangpagnok”. Unon ua mande siani sagrena aganchakaha,“Ang gitel da·osa anga angni porainiko chusokna gita man·aha, anga dao maidake nang baksa reangna manpagenok”. Unon siani sagre una ki·tapko uni ra·angna se·engipa manderangni bimungko bikote mesokaha. Unon “James” ine seaniko skanggipa Serial No. o nikaha aro ua namen kenbeaha.


Ua siani sagre baksa re·angpaaha aro rama jatchiona sokon uamang nambegipa dokan gesako nikna manaha. Unon, James ua, siani sagreko dokano neng·takdilaha. Aro namnam gipa cha·aniko una cha·china gita dokanoniko bree on·aha.

Uamitting somoion James-de siani sagrechiko uni ki·tapko cha·ue an·tangni bimungko skanggipao dongaoniko dene-ming, bon·kamgipao don·ataha. Aro ua an·tangko jokgenok ine ming bilongen kusi ong·beahachim.


Jen somoio siani sagre cha·e-ringe matchot manaha. Unon ua James-na aganaha, “James nanggita dake namgipa mandeko anga a·gilsako saksakoba mankuja aro nikuja”. Uni gimin anga dao nangni skangipao donggipa bimungoniko ra·angjawaha. “Indiba bon·kamgipa-onisa ra·angaignok!”

 Ronix A. Sangma 
WEST KARBI/ANGLONG,  ASSAM