النهاردة رفيو و عرض لجهاز متميز لمحبي قراءة الكتب وكتابة الملاحظات
التابلت اللى فعلا عدي أمازون كيندل من حيث الإمكانيات
جهاز onyx boox Note air 2 plus

جهاز ممكن تحمل عليه مكتبتك الديجيتال كلها وتبقى معاك في أي مكان و الميزة هنا كمان إن معاك قلم تقدر تكتب بيه ملاحظاتك و كمان بطارية تكمل معاك أيام كاملة مش ساعات

المواصفات
لأن التابلت بيجي ب ٦٤ جيجا مساحة داخلية
و عندك شاشة مناسبة جدا بحجم ١٠.٣ انش من نوع E-ink المريحة للعين الشاشة تدعم التاتش و الكتابة بالقلم
الشاشة المعروفة بتوفيرها للطاقة علشان كدة البطارية ممكن توصل لأيام و بتبقي بس ابيض و اسود و معدل رسم بطئ نسبيا و متقلقش لو شوفتها لأول مرة مش بتكون بايظة ده هيه طريقتها كدة
الجهاز علية واي فاي و بلوتوث
الجهاز علية أندرويد ١١ تقدر تنزل عليه اي برامج انت محتاجها من متجر التطبيقات
و افتكر بس انه تابلت لزيادة الانتاجية مش للعب بقي و كدة

يعني مش زي الآي باد مش هتعرف تتفرج على فيديوهات أو تلعب جيمز

مع الجهاز قلم لا يحتاج للشحن بتستخدمه لكتابة على التابلت و الكتابة عليه سلسة جدا تكاد تقترب من تجربة الكتابة على الورق

الجهاز فيه مايك لو عايز تملي الجهاز و هيحوّل الكلام لنص

و سماعة واحدة مونو علشان تسمع بيها ملفات و كتب صوتية
بيجي بمنفذ شحن تايب سي و يدعم خاصية ال OTG علشان توصل عليه فلاشة مثلا ولا حتى كيبورد