စေတနာ့ဝန်ထမ်း ကြက်ခြေနီအဖွဲ့ဝင်တစ်ဦးအဖြစ်မှသည် စစ်ကောင်စီကို ခြိမ်းခြောက်လာနိုင်ခဲ့ပြီ ဖြစ်သည့် Myingyan Black Tiger တပ်ဖွဲ့ခေါင်းဆောင် ဗိုလ်မိုက်ခဲနှင့် MPAမှ တွေ့ဆုံမေးမြန်းခြင်း

10 August 2024 By Ko Paing/MPA

မကွေးတိုင်း၊ရေလယ်ကျွန်းဒေရှိ Myingyan Black Tiger-MBT တပ်ဖွဲ့ ဌာနချုပ်စခန်းကို ပြီးခဲ့သည့် ၂၀၂၃ မတ်လ ၁၉ ရက်နေ့က စစ်ကောင်စီတပ်၏ တပ်မ ၉၉ ဘီလူးစစ်ကြောင်းက ၃ ရက်တာ ထိုးစစ်ဆင်ခဲ့ရရာ စစ်သား ၆ ဦးသေဆုံးခဲ့ပြီး လက်နက်အင်အားမမျှတမှုကြောင့် ဌာနချုပ်စခန်းကို စွန့်လွှတ်လိုက်ရသည်။

ဘီလူးစစ်ကြောင်းသည် အညာဒေသကို ထိန်းချုပ်နိုင်ရန် အထူးဖွဲ့စည်းထားသည့် စစ်ကြောင်းဖြစ်ကြောင်းဖြစ်ပြီး Myingyan Blcak Tiger ၏ ဌာနချုပ်စခန်းကို ဝင်ရောက်ထိုးစစ်ဆင်တိုက်ခိုက်သည်ကို ထောက်ချင့်သော် Myingyan Black Tiger သည် ရေလယ်ကျွန်းဒေသနှင့်ရေစကြိုမြို့ပေါ်တို့ရှိ စစ်ကောင်စီကို ခြိမ်းခြောက်နိုင်သည့် တပ်ဖွဲ့ဖြစ်ကြောင်း ပေါ်လွင်လာသည်။