قصيدة | زاير الســـــيده

•آداء | #موسى_البولاني
• كلمات | شاكر الصيمري
• المكان | هيئة الامام الصادق

الحسابات الرسمية:
يوتيوب:
   / @mousaal-bolani4901  

فيسبك:
https://www.facebook.com/profile.php?...

أنستگرام:
https://instagram.com/mousa.albolani?...

تليگرام:
https://t.me/Mla313

تيكتوك:
https://vt.tiktok.com/ZSdDtD48G/

واتساب :
https://wa.me/message/CUFNCTCDGYXYN1
...................................................................................


كلمات القصيدة :


مو عجــــيبه عنــــــچ ولا صعب
الگه روحــي ابمرقدچ عن قرب
خل تبـــعد اهلي وناسي
زينـــب مليكه احساسي
مادامچ انتـــــي اقربهم
واقرب الي امن انفاسي
اخذيني من دنيــا العدم واحيــيني من بين البشر
من ذاتي مارايد اجـــــي رايد اجــي وحالي انكسر
بزيارتچ گلبــــــي انشغل واستوطن ابراسي السهر
ليليه روحـــــي امسافره ماكو احله من هذا السفر

الله يــــدري بالنوايـــــا الصدگ
كلشي عــابر واسمچ الينشـــهگ
اقدس اسم مـــــن يومه
طول العمر مخــــــدومه
زينب خدمتـــــــچ لوحه
بچف الگمر مرســـــومه
بين امنــــــــياتي القاصره ياســــيدة روحي وهلي
لو خيرونـــــي باحله اسم اتســــــمه زاير بت علي
الوادم اتعــــــيش ابوطن ياوطن عشتي ابداخلي
گالولي انته مـــــــن تكن؟ ماكنتُ لـــــــو لكي الي


شامچ اســـود وانتي اطهر اخت
الغربه غــــربه وضلت ابكل وكت
شام الدفـــــــــــن علويه
يدمي الگـــــــلب طاريه
كون ابســـــوالف زينب
ماتنحچي المســــــــبيه
يتغرب الشــــــافچ جرح وبغربتچ يگــــــضي العمر
لاطــــــــابت ايامي التي يازيـــــــــنب اخلافچ تمر
ليهسه غربه ابحضـــرتچ من ساعة الرحتي ابيسر
رزقيني اشــــارك غربتچ ومن اليجـــــــولچ انذكر

جازي خيـــرچ والفضــل ماله حد
نضره مــــــنچ تنطي للضايع مدد
دنيا وتمـــــــــــيل اعلينه
وتعدلهه زينــــــــب بينه
ماعدنه غيــــــــر الدمعه
للشام الچ تحــــــــــدينه
نضراتچ اتطفـــــــي الجمر واتبرد الگــــــــلبه ضمه
اصعب شــــــــعور الينتظر صحره وتـراقب بالسمه
اتصــــــــــحِرت يابت علي نضــريني نضرة فاطمه
ماسلمت امـــــــــري البشر بس عندچ امري امسلمه

حلمي يكـــبر واقترب موعده
يمته اســــمع زاير الســـــيده
زينب يعالـــــــم نوحي
اخذيــــهه يمچ روحي
كتبيني مـــــــن الزارو
واتقبلــــيهه اجروحي
يازينب وبابچ حــــــلم وعيوني ليل ابلا ضوه
خنگه الحـياة ابلا نفس يالشوفتچ مــثل الهوه
والعالم اشــــــگد ماكبر گدامي والمـــاكو سوه
مادام ازورچ مــــن بعد معناها گلــــبي ماروى




00:00 المقدمة
00:20 موعجيبه عنج ولا صعب
2:04 شامج اسود ونتي اطهر اخت
4:18 جازي خيرج والفضل ماله حد
6:15 حلمي يكبر وقترب موعده


_____________________________________________
_____________________________________________
Music video by © 2023 Nay Network
all rights are save : @naynetwork
  / naynetwork.llc