#الدحه #السعودية #عنزه

دحتنا خطة حربية

كلمات الشاعر احمد الدودلي السبيعي العنزي

اداء المبدعين

راضي العطيفي
سلطان المخيليل

#الدحة موروث لوايل
دحينا يوم الهوايل
تعشقها كل القبايل
وسموها لعبة دحيه
حنا دحينا في سكره
غيبنا بأيامً خطره
بالقوه خلدنا ذكره
دحتنا خطه حربيه
الدودلي دايم وافي
لربعه ماهو مجافي
ابدع في نظم القوافي
ودايم ابياته قويه
دحينا لاجل القبيلة
وتفريعة ام الجديله
العايل يصبح في ويله
لعيونك يا الوايليه
صكو عليها الجماعه
كل يفزع ندح ذراعه
ربعي ما فيهم رعاعه
والنخوه عرفا سبيعيه
نبدا من سبع الحوايج
نخانا جديع وهو لايج
جيناه جموع تهايج
جبنا معنا كل دويه
وصى لهدلان العبادي
مسيكي محنك قيادي
عطاهم علمً وكادي
وفكيناه بليا ديه
واليوم الفزعه طربنا
لجل العواجي حضبنا
ما صدينا ولاهربنا
حنا للفزعه والهيه
تقدم خالد بأفعاله
مد المده قبل اقواله
ما خيب منهو عناله
اخو عشوى ناره حيه
قال اترك حملك علينا
وتشوف العلم اليقينا
وشلناه ولجله دحينا
بجزل المده والعطيه
واليوم بأمن واماني
والحكم سعودي سلماني
صارت دحتنا اغاني
بأفراحك يا السعوديه