دارنا نرخص لك العمر ما يغلى عليك
وكل طامع دون حدك نبي نقطع يده

عقب ماكنتي تعيشين بالوضع الدريك
وحدك صقر الجزيره بعزمه وجهده

سل سيف الحق لظلم والجهل الحليك
لين رسا شرع ربي على ارضه ومهده

حاكمن مافيه مثله وبك ماله شريك
جعل تسقي قبره السحب وتصب برده

ونهجو نهجه عياله وزاد الخير فيك
لين كلن حلمه انك تكونين بلده

وفي ذرى سلمان حنا وعاش اغلى مليك
ننعم بعزه وضله وعشنا بسنده

وان دعانا للمهمات مافينيا ركيك
كل ابونا تحت رايه ويبشر بسعده

وانت ياللي نهضه الدار قامت في يديك
مملكتنا بالتطور ترا الكل حسده

لك ولانا ياولي العهد ماهوب شيك
الا روحن تنطح الموت دونك بجسده

ياكثر ما يعشق الشعب طاريك ويبيك
ومثلك اللي دون شعبه يفادي بولده

وانت يامير التواضع بنهضتنا شريك
مملكتنا ب التطور ترا الكل حمده

بختصر لك شطر واحد وهو لايق عليك
سيدي محمد لمثله ولا فيه بعده




الشاعر/ بندر بن طواله