"
#أزاى_ الاقى_ فكرة_ مشروع مناسبه ،
#مشاريع _ناجحة
#خطوات _عمل _مشروع
#مراحل _ عمل _مشروع
كتير مننا ليحاول يبدأ عمله الحر حتى يحقق حرية ماليه وكذلك التحرر من قيد وضغط الوظيفة ولكن تواجهه مشكلة عدم القدرة على تحديد البدايه والفكرة التى سيبدأ بها مشروعه أو عمله الحر
فكثير من الأحيان صاحب المشروع يقعد يفكر ويتحمس جدا لفكرته ولما ينفذها مايلاقيش قبول من الناس

ويفضل يبذل مجهود رهيب في محاولة إقناعهم ولكن للأسف بدون فايدة

أغلب الدراسات الخاصة بأسباب فشل المشاريع الناشئة بتؤكد إن السبب الرئيسي لفشل المشاريع هو عدم وجود احتياج كافي في السوق

وبالتالي فكرة المشروع بتيجي من السوق نفسه واحتياجاته مش مجرد فكرة في دماغك اتحمستلها وظنيت إن الناس هتطير من السعادة لما تقدمهالهم

أو ظنيت إنك هتقدر تخلق احتياج ليها في السوق

و موضوع خلق الاحتياج ده معركة خسرانة
التوقيت اللي بتحدد فيه فكرة مشروعك بيكون بعد خطوتين مهمين

لإن شغفك هو المجال أو السوق اللي هتبدأ فيه البزنس بتاع

ودي المرحلة اللي بتبدأ تمارس شغفك وتستكشف السوق

وتعرف الناس بتشتري إيه … ومشاكلها إيه … ومين الناس المشهورة في المجال ... وإيه المنتجات والخدمات اللي عليها إقبال كبير ... وإيه المواضيع المهمة اللي بتشد الناس وشاغلة بالهم … إلخ

بعد كدة في الخطوة التالتة بتجمع كل المعلومات والأفكار اللي شوفتها وبناءا عليها بتشوف مشكلة أو فراغ في السوق تقدر إنت تتميز فيه من خلال البزنس بتاعك

لإن في النهاية البزنس عبارة عن إنك بتبيع حاجة لناس محتاجاها جدا مقابل ربح

مجرد ما تلاقي إشارات في السوق لمشاكل أو نقص أو احتياج معين بتكون دي فرصة ممتازة لتأسيس بزنس ناجح بيسد الإحتياج ده

افتكر بداية البزنس مش الفكرة … بداية البزنس هو السوق

ابحث عن الفكرة في السوق مش في دماغك