◦•●◉✿بسم اللّٰه الرحمٰن الرحیم✿◉●•◦

فخرِ اہلِ سنن ہیں امام حسن
نازشِ  گلبدن  ہیں امام حسن

اہل   سنت  کو  خوفِ  تنزُّل  نہیں
اِس میں جلوہ فگن ہیں امام حسن

جامِ عشقِ شہنشاہِ کونین کا
قُلزُمِ موجزن  ہیں امام حسن

جوہرِ  فاطمہ  ،  پیکرِ مرتضیٰ
عکسِ شاہِ زمن ہیں امام حسن

اہلِ بیتِ نبوّت کے ایوان میں
مثلِ  درّ  عَدَن ہیں امام حسن

نیّر  اولیاء   تیرتے  ہیں جہاں
اوج کا وہ گگن ہیں امام حسن

چرخِ حکمت پہ اُن کی دھمک کیوں نہ ہو
ماہرِ    علم    و    فن    ہیں    امام   حسن

جن کے لب سے فصاحت کا دریا بہے
وہ   ادیبِ   سخن   ہیں  امام   حسن

پارۂ جانِ احمد جو ہے بے گماں
ان کے ہی نورِ تن ہیں امام حسن

تیرا نوری دہن تیرا نوری زقن
تیرا نوری بدن ہیں امام حسن

جس نے بھٹکے ہوٶ میں جِلا بخش دی
نور  کی   وہ    کرن    ہیں  امام   حسن

ان کی شانِ جلالت کا کیا ہو بیاں
ابنِ  خیبر   شکن  ہیں  امام  حسن

واہ تیرے پسینے کی کیا بات ہے
گو وہ مشکِ خُتن ہیں امام حسن

جس میں ہر رنگ و بو کی ہے نوری بہار
آپ کا وہ   چمن    ہیں  امام   حسن

بہرِ  دیدار  ،   مشتاق  ہیں   یہ  نظر
دل میں بھی یہ چبھن ہیں امام حسن

جان لو اِس سے اقبالِ سبطِ نبی
حصۂ   پنجتن   ہیں  امام  حسن

جس سے باطل کے نرغہ میں ہلچل مچی
آپ    کی    وہ    بہن    ہیں   امام   حسن

میں بڑھاٶں اِسے مجھ کو توفیق دو
آپ  کا  جو   مِشن   ہیں  امام  حسن

تجھ سے فریاد ہے اے مرے نا خدا
ہر   طرف   راہزن  ہیں  امام   حسن

مہرِ  ایوبؔ   کو   اب   جِلا  دیجٸے
اِس پہ کب سے گہَن ہیں امام حسن

✍🏻از محمد ایوب رضا امجدی کولکاتہ غفرلہ