Published On Premiered Sep 4, 2021
KAN DAMCHHAN
Phuahtu : Pi Chanchinmawii (Iowa, USA)
Ka zinna khawvelah hian i thilsiamte ka thlir a,
Tuifinriat, thim leh êng, thlalêr ram, hnimhring mawi te,
Leilung leh vân boruaka arsi êng mawi te hian,
I ropuizia min hmuhtir, Lalpa ka lâwm e.
"Lâwm rawh u, lâwm fo rawh u," tih hi ka hre thiam ta;
Ka nun neitu chu nangmah i ni a,
Kei leh ka chhûngte chuanin,
I hming ropui fak leh
I rawngbawl hi kan dam chhan a ni si a.
I thilsiam tam tak zinga kei mi tê ber hi i fa-
A vuaha ka awm avangin ka hlim, ka lâwm em em e;
Ka mangan leh rit phurhte ka thlenna ka Pathian,
I nih fo ṭhin avangin muangin ka châwl ṭhin.
Khawvêl hlimnate vanga nang ka hlat dâwn apiangin,
Tlân bosan thei lo turin harsat mangannate,
Ka chungah i thlentir a, ka bânah min kaiin,
I lam min hawitir leh ṭhin, Lalpa ka lâwm e.
Music : Larry
Recording : Rokunga Rimawi Tuk Run
Video : Gabriel Graphix