સીતાજી નો ગરબો🌷 માડી તું તો રાજા જનકની દુલારી 🥰 તું તો રઘુકુળ રામની રાણી Sitaji No Garbo 👇 છે



માડી તું તો રાજા જનકની દુલારી
સુનૈનયના ની લાડકી રે લોલ

માડી તને લરી લરીને પાય લાગુ
ભજુ રે દુઃખભંજની રે

જનકરાયે સુકરતના હળ શણગાર્યા
ધરમના ધોરી જોડ્યા રે લોલ

માડી એવા રાજાએ ખેતર ખેડ્યાં
બાળકીના રૂપે પ્રાગટ્ય રે લોલ

માડી તારા જાક્મ જોડ અજવાળા
સીતાનું રૂડું નામ ધાર્યું રે લોલ

માડી તું તો આદિ અનાદિની જ્યોતિ
જનક ઘરે જળહળી રે લોલ

માડી તે તો બાળપણમાં
ધનુષ શંભુનું તારે હાથે ધર્યું રે લોલ

માડી તારી નાનીસી પાતળી ભુજાએ
ત્રાજવડાંમાં તોરી લીધું રે લોલ

માડી એવું જનકરાજાએ નિહાળ્યું
અંતરમાં એને દીવડા થયા રે લોલ

માડી એને આકરા નિયમ એવા લીધા
સ્વયંવર તારો રચીયો રે લોલ

માડી એણે મોટા મોટા રાજવી તેડાવ્યા
લગનને માંડવે રે લોલ

માડી તે દી અયોધ્યા નગરીથી આવ્યા
કુંવર રઘુકુળના રે લોલ

માડી ત્યાં તો મોટા મોટા રાજવી હાર્યાં
મૂંજાણા મિથિલાપતિ રે લોલ

માડી એવી ઋષિ આજ્ઞાથી રામ ઉઠ્યા
ધનુષને વંદન કર્યા રે લોલ

માડી રામે ચટક દઈને ચડાવ્યું
તટક દઈને તોડી નાખ્યું રે લોલ

માડી એને તોડ્યું છે રઘુકુળ રામે
ત્રણેય લોક ગાજી ગયા રે લોલ

માડી ત્યાં તો શંખ શરણાઈ રૂડા વાગ્યા
નોબતના રૂડા નાદ વાગ્યા રે લોલ

માડી ત્યાં તો મંગલ ઢોલ ઢબુક્યા
સખીયુંએ ગાયા ગીતડાં રે

માડી તે દી ચૌદ લોક હરખણા
જનકપુર જુમી ઉઠ્યું રે લોલ

માડી તારા મંડપમાં રામજી શોભે
વિજયમાળા કંઠે ધરી રે લોલ

માડી તું તો રઘુકુળ રામની રાણી
સૂર્યવંશની અમરવેલી રે લોલ

માડી એવી અષ્ટ સીધી ને નવ નિધિ
સેવામાં તારે સાબદી રે લોલ

માડી તારા નારદજી ગુણલા ગાતા
હનુમાનજી હુકમ જીલે રે લોલ

માડી તારી દયા ક્ષમાને મર્યાદા
કે તેજ પુંજ તપે હરીને રે લોલ

માડી તારા ગુણનો પાર કોણ પામે
બ્રહ્માજી ભલે વેદ ભણે રે લોલ

માડી એવા સદગુરૂ રામની સીતા
સદાય સૌને સંગે રેજો રે લોલ

માડી એવી દાસ વસંતની અરજી
ચરણમાં સદાય રાખો રે લોલ

માડી તું તો રાજા જનકની દુલારી
સુનૈનયના ની લાડકી રે લોલ

જય સીતારામ 🙏
ધન્યવાદ 🙏


Disclaimer :~Copyright Disclaimer Under Section 107 of the Copyright Act 1976, allowance is made for "fair use" for purposes such as criticism, comment, news reporting, teaching, scholarship, and research. Fair use is a use permitted by copyright statute that might otherwise be infringing. Non-profit, educational or personal use tips the balance in favor of fair use.