ប្រាសាទគោករកាស្ថិតនៅតាមដងផ្លូវជាតិលេខ៦ ក្នុងខេត្តកំពង់ធំ

ប្រាសាទនេះជាប្រាសាទតូមួយ ស្ថិតនៅមិនឆ្ងាយពីផ្លូវជាតិលេខ៦ ប្រាសាទគោករកាស្ថិតក្នុងភូមិរកា សង្កាត់ស្រយូវ ក្រុងស្ទឹងសែន ខេត្តកំពង់ធំ បច្ចុប្បន្នស្ថិតក្នុងបរិវេណសាលារៀន។

ប្រាសាទនេះមានតួតែមួយ សង់ពីថ្មភក់ ហើយទំនងជាកសាងក្នុងសម័យអង្គរ ដំណាលគ្នានឹងសំណង់ប្រាសាទក្នុងរាជព្រះបាទជ័យវរ្ម័នទី៧ ក្នុងសតវត្សរ៍ទី១៣។

ក៏ប៉ុន្តែ ប្រាសាទនេះប្លែកពីប្រាសាទដទៃ ដែលមានគ្រឿងបង្គំផ្ដែរនៅជាប់នឹងប្រាសាទគឺជាផ្ដែរក្នុងរចនាបថព្រៃក្មេង នាសតវត្សរ៍ទី៧ និង ផ្ដែរមួយទៀតជាផ្ដែររចនាបថឃ្លាំង នាសតវត្សរ៍ទី១១។

ចំណែកនៅមុខប្រាសាទ អ្នកស្រុកយកផ្ដែរមួយចំនួនទៀតតម្រៀបជាជួរ ដែលផ្ដែរមួយស្ថិតក្នុងរចនាបថសម្បូរព្រៃគុក នាដើមសតវត្សរ៍ទី៧។

ថតនិងកាត់តដោយ៖ KS - Exploration
តន្ត្រីវីយូឡុង៖ Hun David