「地獄廚神」戈登單車意外險死 ｜父親節前語重心長籲小心｜HK E News 娛樂新聞報道

因為電視節目《地獄廚神》同《我要做廚神》鬧人鬧到出晒名嘅Gordon Ramsay，早前突然收火，手震震拍片語重心長咁叫大家出門一定要千萬小心。原來佢早前踩單車時遇到交通意外險死，呢日拍片都仲似乎係死頂上陣。

Gordon以招牌潔白廚師服出鏡，慣用嘅持刀左手不住狂震，57歲仍一向沉迷高運動量踩單車同鐵人三項賽嘅佢，指自己早前遇到嚴重意外，如無戴頭盔的話可能早已死亡，強烈要求大家無論路程遠近，踩單車都一定要戴好頭盔，之後仲展示左邊身體嘅惡佈大面積瘀傷。

短片拍攝時相信正係佢為節目錄影，亦係父親節前夕，佢多次向大家祝福父親節快樂，身為6名子女之父；不時於網上大曬幸福家庭樂嘅佢，似乎因呢次意外而有唔少感觸，苦勸各位單車友一定要倍小心呀。

#GordonRamsay #我要做廚神 #地獄廚神 #單車 #三項鐵人 #意外 #嚴重受傷 #苦口婆心 #戴頭盔




#TVB #無綫新聞 #News #StayHome #WithMe #跟我一樣 #宅在家.