موكب عزاء مأتم الحاج عباس
ليالي عاشوراء ١٤٤٦ هـ
ليلة سابع

الرادود :
حسن نوروز

الشاعر:
سيد علوي الغريفي

#حسن_نوروز #كلشي_لحظة_انتهى #المنامة #حجي_عباس

القصيدة مكتوبة:

كلشي هاللحظة انتهـى ..
سـاعة واتـروح امن ايديّـه
وتـنـذبح كلمة "يَـ خـيّـه"
وآنـه آخـر كلمـة لَيّـه:
"آه يشيّـال العـلم"

كلها نـظرة وتـبـتعِـد
وانتـه هـاي الساعة تـدري
من عِـفت يا خويـه خِـدري
چـم وصـل هاللحظة عمري؟!
"آه يشيّـال العـلم"

قـلبي يوم الـ وَدّعَـك
شفـته طالـع يتـبَعك
"لـيتني كنتُ مَعَـك"
وأوگـع على الشريعـة

تـدري لو طـاح العلَم
ايطَـيّـح اوياه الخـيَـم
بس من ايطيـح السهم
وش حالـة الوديعـة !

شِـفت عـينك أمـان
يـ ضي عـين العقيلة
تطيـح انته وعليـك
وسَف ما بيدي حِيلـة
أخاف أسمَع تِقـول:
ترى النبلـة ثقـيلـة
وسهَم عينك أخـاف
يـألمَك مِن أشـيلـه

طـيحتَك عالغبرة يعني
السهَم صاب الطُفل
طيحـتَك معناهه دَخنـة
والمُخـيم يشتعِل
طيحتَك معناهه زينب
تـالي تنجَـرّ ابحـبل
يعني بنت الزهره تـالي
تركـب ابظهر الهِزِل

يصَعب أنادي "وينـك"
وانته السهم في عينك
وآنه يمّك چم سنة وماحد نظر خـيالي

اْبـراسي يا حبيبي
ما تشوفه شـيبي
يا كفيلي ايعـزّ عليه ما تشوفه حـالي

شِفت زينب بالعمُر !
بـأيـاديها تنسـتُـر
وإذا يشتمها الشمُر
راسك يفـزّ من رمحه

عجَب مِو جَدها النبي؟
على الهازل تنسبي
يناظرها الأجنبي
حايـر قلبها بجرحه

————-

زينب بعدكم يبو فاضل
من ديـرة تمشي لديـرة
صـح تنسَبي بالدرب لكـن
يبقـه الصبُر ليـها سـيرة
مثل الجـبل ثابتة زينب
ما لحظة بانت كسيرة
راية نصر بالصبر رفّت
وما چـنها كانت أسيرة

عليمة
هالعظيمة
ابقرآن الصبر نزلَت مثل سورة
صبورة
وهم شَكوره
ولا شافوها والله بلحظة مكسورة
صبرها
گد عمرها
واعليها الزمن أقوالـه مأثورة

للوطـن عائِـدة
ابهيبة القائـدة
بين ايديها تـرف والله رايـة نصـر

هـيّه للقـافلـة
صارت الكافلـة
واعلى مَرّ الزمـن هيّه رمز الصـبُر