ចម្បាំងខ្មែរ-យួននៅតំបន់ង៉េអាន Cambodia, Khmer, Vietnam

ក្នុងចម្បាំងនៅតំបន់ង៉េអាននេះ មានព្រះមហាក្សត្រខ្មែរ៤អង្គដែលបានចូលរួមធ្វើចម្បាំងជាមួយនគរយួនដាយវៀត៖
១. ព្រះបាទហស៌វរ្ម័នទី៣ (១០៦៦-១០៨០)
២. ព្រះបាទសូរ្យវរ្ម័នទី២ (១១១៣-១១៥០?)
៣. ព្រះបាទជ័យវរ្ម័នទី៧ (១១៨១-១២១៨?)
៤. ព្រះបាទឥន្ទ្រវរ្ម័នទី២ (១២១៨-១២៤៣)។

ង៉េអាន គឺជាអតីតខេត្តមួយនៅចុងខាងត្បូងបំផុតរបស់អាណាចក្រដាយវៀត ពោលគឺក្នុងសម័យដែលអាណាចក្រនេះស្ថិតក្រោមការគ្រប់គ្រងរបស់រាជវង្សលី។ នៅខាងកើតខេត្តនេះគឺជាឈូងសមុទ្រតុងកឹង ដែលមានកំពង់ផែដ៏សំខាន់មួយនៅតំបន់ថាញ់ហ្វា។ នៅសម័យបុរាណនោះដែរ ខេត្តង៉េអានមានព្រំប្រទល់ខាងត្បូងជាប់នឹងនគរចាម្ប៉ា និងព្រំប្រទល់ខាងលិចជាប់នឹងចក្រភពខ្មែរ។ បច្ចុប្បន្នតំបន់នេះត្រូវបានបំបែកជាពីរខេត្ត រួមមាន ខេត្តង៉េអាន និងខេត្តថាញ់ហ្វា ដែលមានទីតាំងស្ថិតនៅចុងខាងជើងនៃភាគកណ្ដាលប្រទេសវៀតណាម៕

ដើម្បីជាការលើកទឹកចិត្តដល់យើងខ្ញុំក្នុងការបន្តផ្សព្វផ្សាយនូវអត្ថបទនិងវីដេអូប្រវត្តិសាស្ត្រ វប្បធម៌ ដែនដី ភូមិសាស្ត្រ ក៏ដូចជាគោលដៅនានាដែលមានទេសភាពស្អាតៗ សូមលោកអ្នកជួយចូលរួមឧបត្ថម្ភ ឬបរិច្ចាគតិចក្ដីច្រើនក្ដីមកដល់យើងខ្ញុំផងទាន! តាមរយៈគណនីABA 001150136