HEADLINES:

1. Chief Minister Pu Lalduhoma'n Mizo Zirlai Pawl Assembly vawi 68-na, Champhai Tlangsama neih hmanpuiin zofate hui khawma, inpumkhatna leh tanrualna lama hmalak chu sorkar thil tum pawimawh tak a ni tih a sawi.

2. Home Minister Pu K Sapdanga'n September ni 21, 2024 zana Durtlang Leitan bula pawisawi lote kutthlak rawnna a thleng chu sorkarin pawi a tih thu leh Police inhnamhnawih Sailianpuia Sailo chu suspend nghal a nih thu a sawi.

3. AH & Vety Minister Pu C. Lalsawivunga'n Union Minister-te hmuin Mizoram mamawh hrang hrang a thlen.

4. Health Minister Pi Lallrinpuii'n World Pharmacists Day 2024 puala hun buatsaih hmanpuiinDistrict Hospital tinah tal damdawi lama thiamna bik nei Pharmacist-te an awm a pawimawh thu a sawi.

5. Adviser to Chief Minister Pu TBC. Lalvenchhunga'n vawiin khan Convention Centre Lungleiah, Launching of Localisation Sustainable Development Goals, 2024 Under Lunglei Municipal Council (LMC) hun a hmanpui.

6. Rajya Sabha MP Pu K Vanlalvena'n Union Agriculture Minister Shivraj Kumar Chouhan chuan sorkar laipuiin kuhva chin a khap loh thu a hrilh tih a sawi.

7. Vawiin hi UPC North East India Kohhran ni pawimawh, Missionary Day niin, he ni pual hian urhsun takin hun an hmang.

8. Health and Family Welfare Secretary Pi Sangchhin Chinzah kaihhruaina hnuaiah vawiin khan Secretariat Conference Hall-ah State TB Forum Meeting neih a ni.

9. Mizoram Chief Minister hmasa ber Pu Ch. Chhunga hriatreng nana zirlai ti thate hnena hlan thin, Ch. Chhunga Mememorial Endowment Fund chu vawiin khan Mizoram University ah hlan a ni.

10. Vairengte leh Sairang inkar Fourlane kawngpui sialna tura ram neituten an harsatna chinfel sak phuta National Highway kawngpui an dan chu vawiin tlai dar 3:30 khan tihtawp a ni.

11 . Prime Minister Narendra Modi chuan sorkarlaipui in uar zawka India ramchhunga thil siam chhuah leh thawnchhuah kawnga hmalakna, Make in India kum 10 chhung kalpui a ni ta chu ropui a tih thu a sawi.

12. Vice President Jagdeep Dhankhar chuan Greater Noida-a neih mek, Uttar Pradesh International Trade Show (UPITS) chu vawiin khan a hawng.

13. Jammu and Kashmir Assembly inthlanpui thawh hnihna kal mek ah, tlai dar 3 thleng khan vote za zela 46.12 a tla tawh.

14. Finance Minister Nirmala Sitharaman leh Uzbekistan Minister of Investments, Industry and Trade, Laziz Kudratov te an inkawm.

15. Minister of State for Health and Family Welfare Anupriya Patel chuan United Nations’ Sustainable Development Goal zinga tel HIV/AIDS tihremna kawngah India in theihtawp a chhuah dawn tih a sawi.

16. Khawchin thlirlawktu, India Meteorological Department (IMD) chuan India hmarchhak state thenkhat leh Goa, Maharashtra, Gujarat, leh Madhya Pradesh-ah tun inrinni lo awm tur thleng hian ruah nasa tak a sur dawn niin a tarlang.


Follow DD Mizoram:
  / ddnewsmizoram  
  / ddnews_mizoram  
  / ddnewsmizoram