Published On Sep 2, 2024
تم ہو کے آ گئے ہو درِ بوترابؑ سے
#arbaeen #poetry #karbalapoetry #hussain
[اربعین سے واپس آنے والوں کے نام]
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم ہو کے آ گئے ہو درِ بوترابؑ سے
اور میں تڑپ رہا ہوں یہاں اضطراب سے
تم نے درِ حسینؑ کے بوسے لیے مگر
آنکھیں گزر گئیں مری کس کس عذاب سے
دیکھا تو ہو گا روضہء عباسؑ کی طرف؟
لائے تو ہو گے کوئی کرن آفتاب سے؟
چومی تو ہو گی جا کے وہاں خاکِ کاظمین؟
دیکھے تو ہوں گے ذرّے وہاں ماہتاب سے؟
خوشبو جو سامرا کی تمہارے بدن پہ ہے
مہکے ہیں اس سے دل میں ہزاروں گلاب سے
سچ سچ بتاؤ ثاقبِؔ خستہ نصیب کو
لگتے تو ہوں گے تم کو وہ لمحات خواب سے؟!
۔۔۔۔۔۔۔۔۔۔۔۔۔۔۔۔۔۔۔
[عباس ثاقب]
show more