القصيد النخبوي



الموال :


في عجب عين ابوبتال سقت الركايب
اتنومس بمدحه لا ذكر وافتخر به

اصوكً لا تبّجح مايواعد بغايب
مابعد جت به امه من يوقف بدربه

لا عتزى بالزميمي دك خشم الصعايب
ويرهج قلوب عدوانه بوقعه وضربه

من بني عمي اهل المدح واهل الكسايب
فعلنا ساس مجد واسمنا راس حربه




القصيده :


حظّر الهاجس بعد غيبته مده
والمديح المعتبر شرّع ابوابه

والطواري تشغل البال وتحده
ساعةٍ فيها تبجاح ومجابه

مسعريً كل ماشاش من قده
لا عتزا في مسعر العود يدرابه

القصيد النخبوي نحتمي عده
والقصيد العايدي ماعترفنابه

من غدا شعره لا هاته ولا وده
استوت قيمة وجوده مع غيابه

ماضرينا فالمواقيف بالصده
لا تقدمنا على الشي جينابه

والمديح من الصطر ملعنً وده
في طنيخ سلم المجد يرقابه

سعد بن بتال مايلحق حده
في مواقيفه وطيبه وترحابه

محزمٍ اللي فالزمن بايحٍ سده
سعد منهو محزمه لا تهقوابه

يقتدي في فعل ابوه وفعل جده
وفالامور الكايده ينتقادبه

حرٍ مضريه بتال بالهده
لا كفخ جاب العشاء راس مخلابه

من نصى بتال والشور له رده
يبتجح واللي يبي خاطره جابه

ناظره عند المواقيف لا لده
ينفض قلوب الرياجيل مضرابه

كل مجدٍ فايحٍ بالثناء نده
ال دغيم ساس مبداه واعجابه

ومن تبلاه الزمان وغدا ضده
يحتزم في زمامي ويتذرا به

عز يالاد الزميمي هل الرده
فزعت المفجوع لا صاح من مابه

من بني عمي على اللين والشده
نفتخر في مسعر وانتعزوا به

كم خصيم قد سهجناه في خده
لا زمى فـ نحورنا طاح بحسابه

هل صخاف الشول والعز نمتده
من فعولً ثابته مالها مشابه

ابلنا في شفها نبعد الشده
ترتع الحد المطرف وترعابه

راس حربه زايد بساعت الهده
كم عنيدٍ فالملاقى بطشنابه

من بلش في ضيقته وانقصر مده
فالدواسر لا انتخى خابه طلابه

الخوي يضربنا وين ماوده
والعدو لا شافنا يبست اعصابه







كلمات :
عبدالله بن سالم



اداء :
خالد ال بريك



تنفيذ :
اهتمام الدوسري

..

من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد

تصميم : اهتمام الدوسري
______________________

للتواصل والاستفسارات :
الحسابات الرسمية لـ قناة اهتمام الدوسري .

‏SNAPCHAT : P.5BF


‏Whatsapp : ‭050 608 9787‬




#المساعره
#الدواسر
#خالد_ال_بريك