تسيورة حلم
..
شعندك يشكر يماي يمحلي الطعم بالروح يا انته شعندك يا حلم نبته يلردته ابوريد الروح خنجر بلجي احسن بيك بلجي الكاك مرة اتمزك بروحي واكول انته اشعندك ياشمس ميتة ؟ اشعندك سيرت يمي؟ . تسيورة حلم .. ادريهه جذابة وشمس ميتة هذا آني ...يبعد آني يبعد الاجة....ويبعد الراح شمعة بلاعرس معلوكَة ياذلة ضواهه اتنزفة وليمتة . هذا انه بعيد .... اهناك اشتل بالجرح طرواك واهلال العمر.... لاهل ولا شفتة ولملمت الدمع تيزاب بعيوني ولك تيزاب وحبستة _سهر بردي وجحيل ازركَـ يل الخشبة الكَلب لو دكَـ يالسحن الكحل بجفوفك اسحنته . اشعندك ياشمس ميته جفنها الثلج والغيبة والسكتة شعندك ياولك .يا آخ . يا هدمي يدمي يفور وثلجته مسيّر وجايني جوريد يابس (لاخضار البيك يرويلي عطش عمري اللي يبسته) . ولا فيضك نبع زوده على صبخاية عشكَنة المات من وكتة مسيـــّر ... _جا كذلتك وين ! _وجناغك ، _ معاضيدك _ محبس خنصرك الازرك الـ بلعباس زورته مسيّر ... _جا حجينه وين _وكَومتنه وكَعدتنه وروحتنه وجيتنه ولو فضض شعرنه الكَمر لملمته ولو بلل دربنه المطر عاتبته ولو غشمر فرحنه الهوى غشمرته مسيّر ياشمس ميته (يا آخر جرح بيه تلملم غصباً ع الروح ولجمته) ظل بس النبض بكَليبي وكـ بس النبض بكَليبي أخذه وروح لاردتك ولاردته وعساها بختي وبخته . .

كلمات الشاعر ذياب كزار .. ابو سرحان

الحن وغناء عبادي العماري