Shayboniyxon oʻz yurishlarida Xurosonga yetib borgach, Eron hukmdori Ismoil Safaviy bilan toʻqnashuvi muqarrar boʻlib qoladi. Shayboniyxon va Ismoil Safaviy oʻrtasida jangovar yozishmalar boshlanadi, bunda Shayboniyxon Ismoilni "shia bidʼati"dan voz kechishga undaydi, aks holda Xurosonga yurish bilan tahdid qiladi. Ismoil ham raqibidan Xurosonga bosqinlarini toʻxtatishni talab qiladi. Natijada ikki o'rtada nizo kuchayib, oxir-oqibat bu ziddiyat Marv jangi bilan yakun topadi. Bu jangda Shayboniyxon yengiladi va vafot etadi. Voqealar tavsilotini ko'hna tarixning navbatdagi sonida bilib olasiz.