Published On Jul 4, 2023
గుంటూరు మెడికల్ కాలేజీ ఒక భావోద్వేగం..
అక్కడి స్నేహితులు, జ్ఞాపకాలు, చిలిపితనాలు, యవ్వనాలు అజరామరం!
45 ఏళ్ళ తరవాత, ఈ నేను, తిరిగి గుంటూరు గురివిని అయిన ఓ గొప్ప సందర్భం,
మా saffire reunion !
దీని గురించి మీకు చెపుదాం అనే ఇలా తిష్ట వేసుకొని కూర్చున్నాను!
ముడతలు వచ్చే వయస్సు లో తిరిగి మీసాలు మెలేస్తూ,
ఆ యవ్వనపు రక్తపు ఉడుకుని తిరిగి నరాల్లో నింపుకుంటూ,
మా ఈ సఫైర్ రీయూనియన్ ఎంతో ఉత్సాహంగా, ఉద్రేకపూరితంగా గడిచింది!
అరవై ఏళ్ళ వయస్సును మోసుకుంటూ వెళ్లిన మాకు,
పడుచుతనాన్ని return gift గా ఇచ్చిన ఆ రెండు రోజులని..
తిరిగి మాలోని చిలిపి తినాలని తట్టి లేపి,
చలాకితనాన్ని మళ్ళి మాలో నింపిన ఆ నిండు ఙ్ఞాపకాలని..
మనసారా మళ్ళి తలుచుకుంటూ..
అక్షరాన్ని, జ్ఞానాన్ని, అరిటాకు లో వడ్డించి పెట్టి
ఈరోజు వరకు మా ఆకలులు తీరుస్తున్న
మా గుంటూరు మెడికల్ కాలేజీని మరింత ప్రేమిస్తూ..
ఆ అద్వైత జ్ఞాపకాలని ఇలా మీతో పంచుకుందామని.....గురవారెడ్డి