เพลง : ปลาข่อ ปลาเข๋ง
ศิลปิน : กนกพร ดาบไทย feat. ปอยฝ้าย มาลัยพร
คำร้อง/ ทำนอง : ครู ต. บริรักษ์
ดนตรี : อ.โอ๋ บุรีรัมย์
ห้องบันทึกเสียง : จีเอ็ม.สตูดิโอ

เนื้อเพลง
โอ้..ละน้อ.......โอ้ โอ้.... ละป่ะลาเอ้ยแก้มน้องป่ะลา อ้ายได้ยินเขาส่า ว่าน้องเลี้ยงปลาเข๋ง ละมีแต่โตเป้งๆ อวมอั๋นละแม่นบ่

ญ,ละพี่ชายเอ้ย น้องกะได้ยินข่าว ว่าอ้ายเลี้ยงปลาข่อ โตท่อแข้งท่อขา ละเป็นคือเขามา พาน้องไปเบิ่งแน ได้บ่อ้าย
โอ้ยละนา...... ไปแม้น้อง....
ลำ/ แม่นว่าเด้อนาง จริงบ่เจ้าอีแม่ดอก กะเดาที่คนเว้าคนส่า ว่าปลาเข๋ง อีน้องโตเป้ง ใหญ่พี แม่นอีหลีคือจั่งคนเขาเว้า สิขอซื้อเอาไปทำ พันธ์ได้บ่ปล่อยไว้นำปลาข๋อ ยุในบ่บักอ้ายสิคอยเลี้ยงอย่างดี

ญ, พี่เอ้ย พี่พี่ชายเอ้ย น้องได้ยินเขาเว้า คนเขาเว้าส่า ว่าปลาข่อ บักอ้ายโตนั่นสำ่ แขน แม่นอีหลีหรือว่า คำคุย โม้คุยโว อวดเก่งส่วนปลาเข๋ง อีน้องของแท้พี่เอ้ย อย่าทำเฉย คั้นแม่นจริงคือนั่นพาไปเบิ่ง แนอย่าปากแป แต่เว้าพาน้องไป เบิ่งดู
ช,โฉมตรูไปๆน้องหล่าๆ อ้ายนั้นสิพาไปเบิ่งปลาข่อ อ้ายนั่น เลี้ยงยุในบ่อ มีแต่ปลาข่อ อย่างเดียวน้องนาง
ญ,ส่างน้องกะมีแต่ปลาเข๋งๆ โตเป้งๆ สิพาอ้ายไปดูแหวกว่ายเป็นฝูงเป็นหมู่ๆ สิพาไปดูใช่ว่าน้องคุยโว
ช,ป้าดติโธ่ ปลาเข๋งของเจ้า โตใหญ่ คือเขานั่นเว้า นั่นว่า วาสนาบักอ้าย ได้มาพ้อ พบเห็น
ญ,ใจน้องเต้นคือกันฮู้บ่ เห็นปลาข่อบักอ้าย โตนั่นใหญ่ยาว
ช,น้องสาวถูกใจบ่ละๆ เอาจั่งสิสามาตกลง กันบ่ เฮามาเลี้ยงปลาเข๋ง ปลาข่อ เอาไว้ในบ่อ เดียวกันสาเลย
ญ, อ้ายเอ่ย สิดียุบ้อๆ เขาว่าปลาข่อ มักกินปลาเข๋ง ปลาข่อมันชอบข่มเหงๆทำให้ปลาเข๋งต้องกินน้ำตา
ช,สาบานน้อง อ้ายขอรับรอง สิเลี้ยงสิเบิ่ง บ่ให้หยั่งต่อยต้อง ปลาน้องแน่นอน สิคอยป้อนอาหาร เช้าค่ำ เอาฮำ่อ่อน ป้อนให้สิคอยเลี้ยงอย่างดี
ญ, พี่เอ้ยพี่ เอ้ยพี่ สิตกลงบ้อ อ้าย บ่อ้าย น้องสิขายล้านนึง พึงพอใจจั่งเว้าบ่มี ข้อต่อรอง ปลาเข๋งน้องๆพันธ์มันดีอย่าต่อ ชญ, แฟนๆเอ้ย เรื่องปลาเข๋ง ปลาข่อยังบ่จบ ท่อนี่ๆ ยังมีหน้า ต่อไปๆ ยังมีหน้าต่อไป สีนานวล ม้วนไว้สาก่อน แฟนๆ เอ้ย...

#ปลาข่อปลาเข๋ง #กนกพรดาบไทย #ปอยฝ้ายมาลัยพร #ดาบไทยเอ็นเตอร์เทนเมนต์ #หมอลำ #ลำกลอน

ติดต่อการแสดง : บริษัทดาบไทยเอ็นเตอร์เทนเมนต์ จำกัด
โทร . 063-669-9585 , 065-172-4999