فيوم وتاريخ ووقت محدود
جينا انا وياك لهد الوجود
حلينا عيون فعالم غريب
قليل فيه الصديق ولحبيب
عالم اهات واحزان والم
وحسرة وغربة وندم
لكل واحد فيه سجن وقيود
ولا عارف علاش فالدنيا موجود

خديت لمحنة من قلب حنين
مالو مثال ولا منو اثنين
اب وام كانوا لي والدين
مثال الرحمة والعطف ولجود
وانا بيهوم فالدنيا موجود

يا عالم فين راه الانسان
يا عالم فين روح الاديان
مشى الايمان وضاع الامان
والصفا ولا بين الناس مفقود
والسعيد فالدنيا معدود

الامل فالله يرد بينا للخير
مازال فينا شعلة ضمير
لمحبة شط ماليه حدود
والحاقد فدنيا لمحبة منبوذ

سفر طويل متبوعين بيه
كلها يتحاسب لما جنات يديه
وبنادم ملهي فشغل خايد فيه
يا ترى يتفكر يوم فيه يعود
يوم طويل تنطق فيه لجلود
يا لجنة يا لجحيم موخود
ولا غير الله لا غيرو بيه نلوذ