يا قلب لا يغويك كبر الملامه
يشمت بنا من كان حاسد ولوام
لا تقصد اللي ما براسه شهامه
هذاك لو عنده مال قارون ما شام
سالتكم بالله يالعيال النشاما
يا سامعين الصوت من شاف سطام
لا ياخو صيته يا ربيع اليتاما
يا عز من جانا من الضد منضام
ياللي خواله لابتٍ من عمامه
من صغر سنه للمناعير زقام
جبت اتشكالك يا حفيظ السلامه
عن قالةٍ عندك خبرها من العام
البكره الوضحى غليٍّ مسامه
راحت عرافه يم ديرة هل الشام
تسعين شيخ اللي ما قضولي ملامه
وترك علوم الي من ورى الباب نوام
بين الزميم والحنك والوشامه
وجنه طريه وعدها الجبن بايدام