.. ஏகாத³ஶ꞉ ஸர்க³꞉ ..
.. ஸானந்த³தா³மோத³ர꞉ ..
ஸுசிரமனுனயேன ப்ரீணயித்வா
ம்ருʼகா³க்ஷீம்ʼ
க³தவதி க்ருʼதவேஶே கேஶவே
குஞ்ஜஶய்யாம் .
ரசிதருசிரபூ⁴ஷாம்ʼ த்³ருʼஷ்டிமோஷே
ப்ரதோ³ஷே
ஸ்பு²ரதி நிரவஸாதா³ம்ʼ காபி
ராதா⁴ம்ʼ ஜகா³த³

.. கீ³தம் 20 ..
விரசிதசாடுவசனரசனம்ʼ சரணே
ரசிதப்ரணிபாதம் .
ஸம்ப்ரதி மஞ்ஜுலவஞ்ஜுலஸீமனி
கேலிஶயனமனுயாதம் ..
முக்³தே⁴ மது⁴மத²னமனுக³தமனுஸர ராதி⁴கே
.. 1..முக்³தே⁴ மது⁴மத²னம்
க⁴னஜக⁴னஸ்தனபா⁴ரப⁴ரே த³ரமந்த²ர-
சரணவிஹாரம் .
முக²ரிதமணீமஞ்ஜீரமுபைஹி விதே⁴ஹி
மராலவிகாரம்
.. 2.. முக்³தே⁴ மது⁴மத²னம்

ஶ்ருʼணு ரமணீயதரம்ʼ
தருணீஜநமோஹனமது⁴ரிபுராவம் .
குஸுமஶராஸனஶாஸனவந்தி³னி
பிகநிகரே ப⁴ஜ பா⁴வம்
.. 3.. முக்³தே⁴ மது⁴மத²னம்
அனிலதரலகிஸலயநிகரேண கரேண
லதானிகுரம்ப³ம் .
ப்ரேரணமிவ கரபோ⁴ரு கரோதி க³திம்ʼ
ப்ரதிமுஞ்ச விலம்ப³ம்
.. 4.. முக்³தே⁴ மது⁴மத²னம்


ஸ்பு²ரிதமனங்க³தரங்க³வஶாதி³வ
ஸூசிதஹரிபரிரம்ப⁴ம் .
ப்ருʼச்ச² மனோஹரஹாரவிமலஜலதா⁴ரமமும்ʼ
குசகும்ப⁴ம்
.. 5.. முக்³தே⁴ மது⁴மத²னம்
அதி⁴க³தமகி²லஸகீ²பி⁴ரித³ம்ʼ தவ வபுரபி
ரதிரணஸஜ்ஜம் .
சண்டி³ ரணிதரஶனாரவடி³ண்டி³மமபி⁴ஸர
ஸரஸமலஜ்ஜம்
.. 6.. முக்³தே⁴ மது⁴மத²னம்

ஸ்மரஶரஸுப⁴க³நகே²ன கரேண
ஸகீ²மவலம்ப்³ய ஸலீலம் .
சல வலயக்வணீதைரவபோ³த⁴ய ஹரமபி
நிஜக³திஶீலம்
.. 7.. முக்³தே⁴ மது⁴மத²னம்
ஶ்ரீஜயதே³வப⁴ணித-
மத⁴ரீக்ருʼதஹாரமுதா³ஸிதவாமம் .
ஹரிவிநிஹிதமனஸாமதி⁴திஷ்ட²து
கண்ட²தடீமவிராமம்
.. 8.. முக்³தே⁴ மது⁴மத²னம்

ஸா மாம்ʼ த்³ரக்ஷ்யதி வக்ஷ்யதி ஸ்மரகதா²ம்ʼ
ப்ரத்யங்க³மாலிங்க³னை꞉
ப்ரீதிம்ʼ யாஸ்யதி ரம்ʼஸ்யதே ஸகி² ஸமாக³த்யேதி
சிந்தாகுல꞉ .
ஸ த்வாம்ʼ பஶ்யதி வேபதே புலகயத்யானந்த³தி
ஸ்வித்³யதி
ப்ரத்யுத்³க³ச்ச²தி மூர்ச்ச²தி ஸ்தி²ரதம꞉புஞ்ஜே
நிகுஞ்ஜே ப்ரிய꞉

அக்ஷ்ணோர்நிக்ஷிபத³ஞ்ஜனம்ʼ
ஶ்ரவணயோஸ்தாபிச்ச²கு³ச்சா²வலீம்ʼ
மூர்த்⁴னி ஶ்யாமஸரோஜதா³ம குசயோ꞉
கஸ்தூரிகாபத்ரகம் .
தூ⁴ர்தாநாமபி⁴ஸாரஸத்வரஹ்ருʼதா³ம்ʼ
விஷ்வங்நிகுஞ்ஜே ஸகி²
த்⁴வாந்தம்ʼ நீலனிசோலசாரு ஸுத்³ருʼஶாம்ʼ
ப்ரத்யங்க³மாலிங்க³தி

காஶ்மீரகௌ³ரவபுஷாமபி⁴ஸாரிகாணாம்ʼ
ஆப³த்³த⁴ரேக²மபி⁴தோ ருசிமஞ்ஜரீபி⁴꞉ .
ஏதத்தமாலத³லநீலதமம்ʼ தமிஸ்ரம்ʼ
தத்ப்ரேமஹேமனிகஷோபலதாம்ʼ தனோதி

ஹாராவலீதரலகாஞ்சனகாஞ்சிதா³ம-
கேயூரகங்கணமணித்³யுதிதீ³பிதஸ்ய .
த்³வாரே நிகுஞ்ஜநிலயஸ்ய ஹரிம்ʼ நிரீக்ஷ்ய
வ்ரீடா³வதீமத² ஸகீ² நிஜகா³ஹ ராதா⁴ம் .
https://amzn.to/3cP015l