✨足本訪問：徐浩獲頒作曲家獎🎶 爆壽星AK廚藝勁👨🏻‍🍳尹光恨與黃百鳴合唱🎤 阿檸險被確診患癌 😷何雁詩月尾總動員飛美國🇺🇸了解天使綜合症｜Viu1 現場實況

「第22屆CASH金帆音樂獎」今日舉行記招，席間公布10項大獎嘅最後入圍名單，兼現場率先頒發8項大獎！其中徐浩獲頒「2023 CASH 最廣泛演出金帆獎 個人最多新作品演出獎『作曲家』」，佢笑指因為今年忙於做騷，所以少咗產量，最深刻嘅就係年頭MIRROR嘅演唱會，破咗佢自己連續開騷記錄！

徐浩最新為AK監製《Game Of Life》，咁啱AK今日牛一，徐浩指都算係生日禮物之一，私下再約食飯！徐浩又大爆AK廚藝了得，預測老闆喺新團綜《MIRROR Chef》有勝算！

由尹光主唱嘅《Dear Myself》，分別獲5項提名：「最佳男歌手演繹」、「最佳歌曲大獎」、「最佳歌詞」、「最佳編曲」、「最佳旋律」，成入圍大贏家！對連續兩年角逐男歌手獎，光B話好開心，但佢指最睇好係「阿檸」薛晉寧攞「最佳歌詞」！阿檸緊接自爆填《Dear Myself》嗰陣係喺醫院，仲險被確診患癌，以為係寫緊「遺作」，好彩最後虛驚一場！

近期黃百鳴cover MC張天賦嘅《記憶棉》成熱話，光B話因為啱啱喺加拿大開完騷返港冇留意，不過就知道對方唱得兩嘴，都想遲吓合唱！而阿檸就笑話自己更留意黃百鳴嘅腹肌，係咪想笑死人先？903籃球賽開波在即，阿檸自稱係DJ隊嘅秘密武器，更篤爆隊長森美有秘招！

而Step何雁詩以《野馬》首入圍「最佳女歌手演繹」，佢直言係好surprise，亦有信心攞獎，但都要加埋運氣嘅！嚟緊Step話會推出唔同嘅cover歌，到月尾就會全家出發去美國，了解更多有關天使綜合症嘅資訊，順道喺當地慶生！

另外，張敬軒憑《隱形遊樂場》獲頒「2023 CASH 最廣泛演出金帆獎 粵語流行作品」，不過軒公就因為要準備澳門騷未能親身拎獎！想知埋其他入圍名單？依家即刻睇片啦！

#第22屆CASH金帆音樂獎 #徐浩 #MIRROR #演唱會 #AK #GameOfLife #MIRRORChef #尹光 #DearMyself #光B #黃百鳴 #MC張天賦 #阿檸 #薛晉寧 #何雁詩 #野馬 #張敬軒 #現場實況 #足本訪問 #Viu1娛樂新聞 #Viu1 #Viu #Viu煲劇平台

記得Subscribe Viu1HK嘅YouTube Channel，Follow埋IG同Facebook page呀👇🏻
_
►訂閱 Viu1HK YouTube Channel: https://bit.ly/3lYFNLW
►追蹤 Viu1HK Instagram:   / viu1hk  
►讚好 Viu1HK Facebook page:   / viu1hk  
►觀看更多精彩內容：https://www.viu.com