“တော်လှန်ရေးအင်အားစု အချင်းချင်းကြား သွေးခွဲဖို့နဲ့ နိုင်ငံတကာကို လှည့်စားဖို့ ဆောင်ရွက်ချက်တခုသာဖြစ်တယ်” ... စစ်ကောင်စီရဲ့ လှည့်စားချက်အပေါ် တော်လှန်ရေးအင်အားစုတွေရဲ့ တုန့်ပြန်ချက်များ...

(၂၈- ၉ -၂၀၂၄)

“လက်နက်ကိုင်လမ်းစဉ်ကိုစွန့်ပြီး နိုင်ငံရေးနည်းနဲ့ဆွေးနွေးပါ- ဆိုတဲ့ စစ်ကောင်စီရဲ့ ကမ်းလှမ်းချက်ဟာ တော်လှန်ရေးအင်အားစုအချင်းချင်းကြား သွေးခွဲဖို့နဲ့ နိုင်ငံတကာကို လှည့်စားဖို့ ဆောင်ရွက်ချက်တခုသာဖြစ်တယ်” လို့ အမျိုးသားညီညွန်ရေးအစိုးရ NUG ဝန်ကြီးချုပ်ရုံး ပြောခွင့်ရပုဂ္ဂိုလ် ဦးနေဘုန်းလတ်က ပြောပါတယ်။

PSLF/ TNLA တအာင်းအမျိုးသားလွတ်မြောက်ရေးတပ်မတော် ပြောခွင့်ရ လွေးယေဦးကတော့ စစ်ကောင်စီဟာ စစ်ရေး-နိုင်ငံရေး အကြပ်အတည်းတွေ့လာတဲ့အတွက် အခုလို ဟန်ပြဆွေးနွေးရေးပြောလာတာသာဖြစ်ပြီး အရင်ဆွေးနွေးခဲ့ဖူးတဲ့ ERO တွေအားလုံး ငြိမ်းချမ်းရေးမရပဲ ပြည်သူ့စစ်အဖြစ် အသွင်ပြောင်းတာကိုသာ ခံခဲ့ရတယ်လို့ ထောက်ပြပါတယ်။

ကရင့်အမျိုးသားအစည်းအရုံး- KNU- ပြောခွင့်ရ ပဒိုစောတောနီးကတော့ ၂၀၀၈ အောက်ကနေ အရင်ပုံစံအတိုင်း ကမ်းလှမ်းချက်ဟာ ဘာမှ အလုပ်ဖြစ်မှာမဟုတ်ဘူး။ တကယ်ပဲ ဆွေးနွေးချင်တယ်ဆိုရင် တော်လှန်ရေးအင်အားစုတွေဖက်က တောင်းဆိုထားတဲ့အတိုင်း စစ်တပ် နိုင်ငံရေးက ထွက်ပါ၊ စစ်ရာဇဝတ်မှုတွေအတွက် တာဝန်ခံပါ- အဲလိုလုပ်ပြမှ ဆွေးနွေးပွဲတွေကို လက်ခံစဉ်းစားနိုင်မှာဖြစ်တယ်လို့ ပြောပါတယ်။

... စတဲ့... စစ်ကောင်စီရဲ့ ကမ်းလှမ်းချက်အပေါ် NUG နဲ့ ERO အဖွဲ့အချို့ရဲ့ တုန့်ပြန်ချက်ကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်
   / burmanewsnetwork   ကို Subscribe လုပ်ရန်
တိုက်တွန်းပါသည်။

သတင်းနှင့် ဗီဒီယိုကလစ်များကို https://t.me/burmanewsnetwork မှာလည်း
ကြည့်ရှုနိုင်ပါသည်။)