خانه ره جارو کنوم اونه مهمان مه میه
چرا غاره گل کنوم ماه تابان مه میه
.
چشما ره سرمه کده خینه د دستای شیه
پیچه خوره بخش کده از بله قاشای شیه
کشیده مثل الف قامت رسای شیه
گل سرخ امید مه د پرسیدونمه میه
.
گوش و گردو چشم موی رقم وزرا واری
صوت و آواز و سخن مثل زلیخا واری
غرور و غیرت یار رقم دریا واری
پرسیدون مجنون خو لیلی جانان مه میه
.
پس خنه پیش خنه ره جلگ جلگ آو پاشی کنوم
پیش هرقدم یار عطر و گل پاشی کنوم
دل تاو خانه عکس یاره نقاشی کنوم
پای انداز آوار کنوم شاه زمان مه میه
.
دپیش شی حلال کنوم گوسفند پایبندی ره
بلی پایشی بکوشوم خوروی کلنگی ره
تا کس اسد نکنه بیه او نوربندی ره
خیر وخوبی و خوشی گوشه دید گونمه میه