આપણા લોકગીતોમાં સ્ત્રીઓનાં કેવા કેવા સર્વે મનોભાવો ઝિલાયા છે, એમાં એની મૂંઝવણ છે, મનોમંથન છે, મનોવ્યથા છે, પ્રેમ છે, પરીવારભાવના છે, સ્વમાન અને સન્માન છે...

મેઘાણીએ આ લોકગીતો સંગ્રહિત કરીને બહુ મોટું કામ કર્યું છે... એ બાબતે કહેવાય છે કે લોકગીતોની શોધમાં નીકળેલા મેઘાણાભાઈએ ગામડાં ખૂંદ્યા. ગીતોનું શુદ્ધ ગેય સ્વરૂપ મેળવ્યું એની અંદર જે કાવ્યતત્વ પડ્યું હોવું જોઈએ એ તપાસવા કવિતાની સમજ, કલ્પના અને ચાતુરી પણ વાપરી. એ પછી જે અદભૂત સ્વરૂપ હાથ લાગ્યું, તેને પોતાના સંગ્રહોમાં મૂક્યું. મેઘાણી એમના ‘રઢિયાળી રાત’ પુસ્તકમાં લખે છેઃ ‘રાસ-ગરબો સંઘજીવનની સંપત્તિ છે.’ સૂરીલા સંઘજીવનમાંથી ઊઠતા નૃત્યધ્વનિની કેવી હતી એ રઢિયાળી રાત? આકાશના ચોકમાં પોતાના કોટિ કોટિ તારલારૂપી સહિયરોને લઈને જાણે ચંદારાણી રમવા નીકળી હોય! એટલે જ લોકગીતોનો આ સંગ્રહનું નામ ‘રઢિયાળી રાત’ કેવું રૂડું છે...


#દંપતી
#લગ્ન
#લોકગીત
#મેઘાણી
#ઝવેરચંદમેઘાણી
#સવાબશેરનુંદાંતરડું
#રઢિયાળીરાત
#સ્ત્રી
#સમાજ
#પ્રેમ
#કાનજીની_નાનીનાની_વાતો