मुरबाड तहसीलदार कार्यालयावर शिवसेनेचा भव्य जनआक्रोश मोर्चा ; भ्रष्टाचाराविरोधात आवाज उठला !


मुरबाड (दि.३०): मुरबाड तालुक्यातील विविध प्रशासकीय कार्यालयांमध्ये सुरू असलेल्या भ्रष्टाचाराविरोधात शिवसेना (उद्धव बाळासाहेब ठाकरे) पक्षाने आज मुरबाड तहसीलदार कार्यालयावर भव्य जनआक्रोश मोर्चा काढला. तालुका संपर्क प्रमुख संतोष जाधव यांच्या नेतृत्वाखाली आयोजित या मोर्चात शेकडो शिवसैनिक सहभागी झाले.

मोर्चात सहभागी जनतेने पंचायत समिती, आरोग्य विभाग, पाणी पुरवठा विभाग, वन विभाग आणि सार्वजनिक बांधकाम खात्यातील भ्रष्टाचाराच्या प्रश्नांना वाचा फोडली. विशेषतः आदिवासी विभागात मोठ्या प्रमाणात भ्रष्टाचार असल्याचा आरोप संतोष जाधव यांनी केला.

तहसीलदार अभिजित देशमुख यांनी मोर्चाला संबोधित करताना जनतेच्या मागण्यांना गांभीर्य देत संबंधित विभागांच्या बैठका लवकरच घेण्याची घोषणा केली. त्यांनी स्वतः शेतकऱ्याचा मुलगा असल्याने जनतेच्या समस्यांची जाणीव असल्याचे सांगितले.

मोर्चाला मिळाला मोठा प्रतिसाद:

मोर्चात ठाणे जिल्हा संपर्कप्रमुख रुपेश म्हात्रे, उपनेत्या ज्योतीताई ठाकरे, अल्ताफ शेख यांनी मार्गदर्शन केले. याशिवाय शिवसेना शहरप्रमुख संदीप (बबलू)बहाडकर, भाऊ यशवंतराव, भरत गायकर, मिलिंद घरत, लक्ष्मण बोस्टे, उर्मिला लाटे, नरेश देसले, यांच्यासह मोठ्या संख्येने शिवसैनिकांनी मोर्चात सहभाग घेतला.

महत्वाचे मुद्दे:

* मुरबाड तालुक्यातील विविध प्रशासकीय कार्यालयांमध्ये भ्रष्टाचार व्याप्त असल्याचा आरोप.

* आदिवासी विभागात मोठ्या प्रमाणात भ्रष्टाचार असल्याचा आरोप.
* तहसीलदारांनी संबंधित विभागांच्या बैठका घेण्याची घोषणा.

* शिवसेना पक्षांतर्गत नाराजीचा सूर उघडकीस आला.