Gulíján dilbar u gulján
Gulíján wáhag u armán
Nae tao pésare mardum
Gulí tao bíttage nádán
Tawe ŧíŧŧal dile dánag
Kímmatí ganj u hazánag
Gulí tao waśśíe mósum
Gulí tao mihre baśánag
Gulí taí rahsará nindáń
Bigwaz ki man tará gindáń
Wadárá niśtagáń taígá
Gulí góń kismatá jangáń
Gulí wahde tará dístá
Gwaśe dunyá maná rastá
Gulí man pa tao kutag gam
Gamáń bálá maní pruśtá.
۔۔۔۔۔۔۔۔۔۔۔۔۔۔۔۔۔۔۔۔
Bimár mae ázágéń ŧappáń
Bijan tao waśśukéń gappáń
Maná bisá kan damáne
Gulí góń bénagéń lunŧáń
Biá raéń Bandare sélá
Man u taó dóéń akélá
Hamá int dil tará lóŧít
Nabí harkas maní Lélá
Sabáhá táń śape némá
Gulí nindáń taí démá
Tará ki có maná gam nést
Mabáte tao maní pémá
Maní tao mál u matáe
Pa man có misle tiláe
Gulí có gwatá bikaśśí
Guli tao báde sabáhe
Gulí mae dilbar u dildár
Zabád u anbar u átár
Biśingít bóh taí śahrá
Jíge taí mastíe bázár.
...
Gulí tao iśke niśání
Tawe mae zinde kahání
Tará có pullá bisíndáń
Gulí tao pulle gulání
Gulí byá sáhe badal bí
Suród u śér u gazal bí
Kátiléń camm taí gwaśant int
Gulí mae sáhe ajal bí
Gulí tao pull u gulábe
Gulí tao śír u śarábe
Nasagít dil ki cuśe tao.
Parzáde wastá azábe