“Аккан арыктан суу агат” дейт элибиз. Бул сөзгө бүгүнкү материалды даярдап жатып, дагы бир жолу ынандык! Анткени бүгүнкү каарманыбыздын ата бабалары тээ Сибирь хандыгынын падышасы Кучум хандын убагында Исламды жеткирүү үчүн атайын Сибирге Бухарадан барышкан. Болгондо да аларды Кучум хандын өзү чакырыптыр. Тилекке каршы Орустардын Сибирди басып алуусу менен максаттар да пландар да өзгөрүп кетет. Бирок арадан бир-эки кылым өткөндөн кийин жанагы Бухаралык туугандардын урпактарынан бири, дин жеткирүү үчүн ата-бабасынын жолун улай Сибирден Жапон өлкөсүнө жол алган экен. Ата-бабасына татыктуу урпак болгон ошол киши Абдурашид Ибрахим.