Хилэм загасны аж ахуйн үйл ажиллагаа жигдэрч эхэллээ. Улаанбаатар хотоос 35 км ийн зайд Туул голын сав газрыг түшиглэсэн хилэм нууранд өнөөдөр 17 нэр төрлийн их загас нутагшиж байна. Наймдугаар сараас эхлээд Улаанбаатар хотын хэрэглэгчдийн хүнсний хэрэгцээнд 10-25 мянган тонн загас нийлүүлэхээр болжээ.
Хилэм загас нь амтлаг махтайн дээр хар түрс нь дэлхийд тансаг хэрэглээнд багтдаг. Дэлхийн зах зээл дээрх ханшийг нь аваад үзвэл 35-50 грамм хар түрс нь 100 мянган доллараар зарагддаг. Тиймээс хилэм загасны аж ахуйнхан төрөл бүрийн зээл тусламжид хамрагдаж, хилэм болоод бусад тэжээллэг загасыг өсгөн үржүүлж, аялал жуулчлалын цогцолбор байгуулан ажиллаж байна.