រឿងដឹងសងដឹង អំបែងសងអំបែងនេះ គឺត្រូវបានដកស្រង់ចេញពីរឿងព្រេងនិទានខ្មែរ ដំណាលតៗគ្នា។ យើងខ្ញុំបានខិតខំផលិតជាវីឌីអូតុក្កតានេះឡើង សម្រាប់ លោកអ្នក មើលកម្សាន្ត បំបាត់ភាពតានតឹងក្នុងអារម្មណ៍បានមួយចំនែក ក្រោយពីសម្រាកពីកិច្ចការងារប្រចាំថ្ងៃ។

ដំណើររឿងនេះបានបង្ហាញពីភាពអាត្មានិយមរបស់លោកសេដ្ឋីកំណាញ់ម្នាក់ ដែលមានភាពមានៈចង់ឈ្នះទៅលើអ្នកដ៏ទៃ ដែលមានឋានៈតូចទាបជាងខ្លួន។ គាត់បានធ្វើបានក្រុមគ្រួសារក្រីក្រ១ ដែលបានខ្ចីដឹងរបស់គាត់យកទៅកាប់អុសក្នុង ព្រៃ និងបានធ្វើឲ្យបាត់ផ្លែដឹងរបស់គាត់នៅសល់តែដងយកមកសងវិញ។ ឃើញដូច្នោះសេដ្ឋីចិត្តអាក្រក់រូបនោះមិនព្រមទទួលយកសំណងដឹងនោះវិញឡើយ ទោះបីជាគេព្រមសងដឹងថ្មីទៅគាត់ ១ជា២ រហូតដល់១ជា១០ ក៏គាត់នៅតែមិនព្រមទទួលដាច់ខាត ក្រៅពីថាយកដឹងចាស់របស់គាត់នោះមកវិញ។

កម្មពៀរពិតជាមាន ក្រុមគ្រួសាររបស់គាត់បានខ្ចីអំបែងពីបុរសកំសត់នោះវិញដើម្បីយកមកដាល់អំបុកឲ្យកូនស្រីរបស់គាត់ហូប និងបានធ្វើឲ្យអំបែងនោះបែកខ្ទេច។ ពេលយកមកសងបុរសនោះវិញ បុរសនោះមិនព្រមទទួលយកសំណងថ្មីជាដាច់ខាត ក្រៅពីអំបែងចាស់ដែលបានបែកទៅហើយនោះ ជាការសងសឹកទៅក្រុមគ្រួសារសេដ្ឋី ដែលពួកគាត់ត្រូវបង្ខំចិត្តយកកូនប្រុសតែ១នាក់របស់ខ្លួនទៅបម្រើសេដ្ឋី១ជីវិត ជំនួសការដែលបានធ្វើឲ្យបាត់ផ្លែដឹងរបស់គាត់នោះ។

ទីបំផុតក្រុមគ្រួសាររបស់បុរសកម្សត់នោះបានទទួលយុត្តិធម៌ពិតប្រាកដមែន បន្ទាប់ពីបានទទួលការកាត់ក្តីដោយយុត្តិធម៌ពីព្រះរាជា។ សេដ្ឋីក៏ត្រូវបញ្ជួនកូនស្រីរបស់ខ្លួនឯងទៅរស់នៅបម្រើក្រុមគ្រួសារខាងបុរសកម្សត់វិញ រហូតយូរៗទៅត្រូវបានមេបាផ្សំផ្គុំទៅជាគូរស្រកររស់នៅនឹងគ្នាអស់១ជីវិត។

សូមអធ្យាស្រ័យ