Stefan Raab & Bläck Fööss - Un dann ston se in der Kaffeebud 2010

Dinsdaachs Mittwochs Donnersdaachs morjens halver zehn
do kummen se von der Baustell anjerannt
Schreiner Pützer Mürer un de Büggele vun dr Poss
un soja dä dicke Schupo vun dr Eck
La la la la la la la

Un dann ston se in der Kaffeebud
un schüdden sich der Kaffe in der Kopp
jeder lies in singer Zeidung röm
jeder däut sich noch e Brötche rin
op eimol weet de Schnüss jeschwaat
dä Pützer hät zevill jesaat
do hanse jlich dä jrößte Zoff
Hurra
La la la la la la la

Du Jipsjeseech du Weihnaatmann
du wills Ahnung vun Fooßball han
sät do der Blö un laach sich half kapott
do schalt sich uch dä Mürer in
meint hau dem Käl doch eine rin
un kloppt dem Blö sing Zeidung op der Kopp
La la la la la la la

Un su ston se in der Kaffeebud
un schüdden sich der Kaffe in der Kopp
jeder lies in singer Zeidung röm
jeder däut sich noch e Brötche rin
op eimol is der Düvel loß
un uch der Büggel vun der Poss
der misch sich jetz mit in un schreit
Hurra
La la la la la la la

Dä Mürer dät jet Milch dobei
un krit jetz für die Sauerei
vom Posmann Zucker hinger de Brill jespritz
die Kaffemamm brüllt jetz is Schluß
maat üür Sauerei ze Hus
un bringt dem Blö ne Lappe für sin Mütz

Die Junge luure sich koot an
un jevven sich so langsam dran
bes alles widder blänk un sauber blitz
La la la la la la la

Un su ston se in der Kaffeebud
un kloppen sich der Kaffe in der Kopp
bis se sich dann endlich einich sin
jeder drieht sich noch e Brötche rin
die Fröhstückspaus is jlich am Eng
die Jungen jeven sich die Häng
dann maat et jot bis morje halver zehn
La la la la la la la
in der Kaffeebud
La la la la la la la
La la la la la la la
Kaffeebud