اوووووووف قبل فترة اشتريت و نصحتكم براوتر ال c80 وبالرغم من كونه راوتر ممتاز بس اليوم راح نسولف ببراوتر ينتمي لعائلة الwifi6 والي هي تقنية موجودة من ال2019 بس اليوم راح نتعرف عليه بشكل مبسط وبالمستقبل اسولفلكم عليه بشكل تفصيلي …
خلي نسولف ليش لازم الكل تفكر بال wifi6
سرعة نقل البيانات الافتراضية بينك وبين الراوتر راح تكون ضعفين يعني الي تفتهم المعالج قوي اضعاف من البقية او اقل منه وهذا الشي راح يعني بنك اقل و راح نجي ليش …
عدد الاجهزة الي ممكن تتواصل وياه بنفس الوقت راح يكون اكثر هنا راح يجي واحد يكلي راوتري القديم الي ماخذه من زمن صلح الحديبية مكنكين عليه 25 و ما بيه اي مشكلة (بطل جذب حرام وعيب وابني عمره اقل 4 يعرف الي يجذب الله يذبه بالنار) هنا من اكلك اجهزه اكثر يعن القصد بنفس الوقت ممكن الراوتر يتواصل وياهن عكس البقية
زمن الاستجابة اقل وهذا الشي شفته محد سولفلي او حسيت بيه وانما من خلال اختبار البنك الاتصال بيني وبين الراوتر ثابت بشكل مخيف …. مقارتنا بالأقل منه

هنا يمعودين من احجي بمواصفات مو بس بهذا الراوتر وانما اكثر اذا مو كل الراوترات الي تشتغل بتقنية wifi6 راح تلكون بيه هاي الامور بس شاهج

امان اكثر باستخدامه لاحدث بروتوكولات التشفير بس هذا مراح يهمك بشي ادري
الشغله الجديدة انو بهذا التقنية التشويش راح يكون اقل لان بين الراوترات الwifi6 بيهن بروتوكالات تخلي اسالاتهن مميزه عن الراوتر الثاني الي موجود بيت جيرناك على سبيل المثال وفوك هذا الي هو الاهم انه راح يتفح ترددات 6gh وهنا مو كل التلفونات راح تدعمه فحسب …
تقنية لازم يكون عدك علم بيه وهواي من اهل الابراج اصلا ميعرفوه من يا عمام هي Mu-MIMO وهاي التقنية تلكاه بالراوترات الي نكول عليه حديثة كمثال و غيره هم اكو c80 هاي التقنية راح تسمح باكثر من مستخدم يتراسل و يستلم من الراوتر التلفون على سبيل المثال بنفس الوقت وهي اختصار multiple users multipe input multipe output
واتحدى ابو البرج مالتك يعرفه …. اكيد راح يذاكون القسم هههههه (اشاقة خلي نفسك طويل)
واخر شي اجي عليه قبل لا نبدي بالتنصيب البرانامج الي راح يجي ويه اجهزة الهواوي فدشي راقي بشكل موطبيعي و بيه امكانيات تحكم خرافية وسهله كلش الواحد يدير الراوتر مالتة منه براحته و هذا الشي فوك متصورون حبيته … برنامجهم ال Huawei ai life

=========
الي يحب يتابع محتوى بشكل يومي وسريع حساباتي تابعوه
Tiktok
  / akz.45  
Instagram
  / big_z_35  
========
************---------***********
*****************************************************************
لا تنسى الاشتراك وتفعيل الجرس لكي لايفوتك شيء مستقبلا ً و لا تنسى لايك اذا اعجبك الفيديو
*****************************************************************
/////////////////////////////////////////////////////////////////////
المعدات المستخدمة بتصوير هذا الفيديو :
1) Nikon d810 + 24-120 f4
2) Rode videomic + Zoom H6
3) Godox SL200w ii


جدول المحتوى :




///////////////////////////////////////////////////////////////////
اذا وصلت لهنا اكتبلي بالتعليق "بتيتة" هههههه