من إنتاج التجمع الإعلامي لقبيلة الروله..!
كلمات|مرعي ونيس الرويلي
أداء والحان|فالح الروسان
هندسة صوتية وتوزيع|عمر الديني
منتاج|فريق المنتاج والتصميم بالتجمع الإعلامي لقبيلة الروله

شيلة|أهل العليا
الحساب في تويتر
  / rwalahmedia  
الإنستغرام
RwalahMedia
الفيسبوك
https://www.facebook.com/rwalahmedia?...


ياأَخيّ والله ورَب الشعر كثره أو قليله
أني ماأبّي أتطرق للي بفكري وبالي

عن صواديف الزمان الغامضه والمستحيله
عن عقود وعن سنين وعن شهور وعن ليالي

عـن وطن ماتجفل حدوده وحنا ننتمي له
عن شمال الصدرياهب الهوى وهوى الشمالي

عن قبل لايقال متعصب قلّ لسان القبيله
ولاقصـورٍ بالقبايل بس صارالضغط عالي

عـن بنو بكر وتغلب كلهم ولا الجليله
والثمن التبع اليماني وأصدح بأرتجالي

عن الدريعي زغردي له يالمعالي زغردي له
ياقطع راس المشوره راع العليا للمعالي

عن خلف الأذن قومي ياحروفي درهمي له
من مفالي هالكيبورد لهاك الحره والمفالي

عن الشعلان وسنام المجد والقدح بفتيله
عن مزابين الدخيل ليا صلا للحرب صالي

عن عيال مفرج اللي سطروا مليون ليله
بالسيوف الحدب ياراغت الأذهان الخوالي

عـن قعاقعه يا غَـدت من دون نقاض الجديله
عن هل الشهب وأساطير الوغى أول وتالي

عن المرعض ياأعرضوا بسيوفٍ طوال وصقيله
يصّهل العز لبيارقهم وأنا أصدح ماأبالي

عن الدغمان الشجاعه والكرم وأهل الفضيله
أسأل التاريخ تنبيك المعارك والليالي

عن كواكبه ياغدت قلاعة الفارس أصيله
ياقبس يومٍ عبوسٍ به يشيبون العيالي

عن علمه ياناخاهم من نخى يبرد غليله
دون العليا يرخصون أعمارهم قبل الحلالي

عـن قلوب الذيابه وروس الأبل كل الحصيله
من رويل وويل قلباً ياتساوت له يبالي

عن كتب مستشرقين أقترفوا الصدق لوسيله
مكتبة لندن ترد العلم عنهم راس مالي

مرعي ونيس الرويلي