Published On Sep 4, 2019
#زيارتنالامير الفوج22 نايف بن محسن الفرم والقاء القصيدة بين يديه وطلب الشفاعة في توظيف احد ابناء العم وقبوله لها وقال تمّ اللي تبيه.
يامير جينا في محلك وعانين
من القصيم اليوم لعيون نايف
نايف سميّك يازبون المسمين
يابن الشيوخ اللي تبد الولايف
يانايف اللي مكتسح للعناوين
خيرك على الاجواد وافر وطايف
ابوك محسن واخو حسنا من اسنين
صوته عذاب موّميات السفايف
وانته يابونواف زبن المخلين
جيناك في موضوع مابه عسايف
نايف ولدنا والتوى الحبل ثنوين
بابوه ولا عنده عيال وكسايف
وجاه الكبر وايضا لحق فوقهن دين
ونايف مشانه عاف كل الوظايف
واليوم ابن عمه فزع له بتعيين
ويبي يحطه في محله خلايف
قل تم يابن الفرم عقب السلاطين
ولاهي غريبه منك تمّن لخايف
نجمك سطع بالكون وتسوى ملايين
وابوك مقدي يوم سمّاك نايف
صالح عياد الصبيحي
1441-1-4هـ