Pu Ruata Des Moines (Iowa) a Mizo Kohhran hruaitu pakhat khan a titi karah leh inhmuh apiangin 'Lalpa a tha' a tireng thin a; ka bengah a cham reh theilo. Ka naute hovin harsatna kara 'Lalpa a tha ka ti tho tho' ti a tap chunga an sawi pawh khan ka rilru chuan 'Lalpa a tha' a lo ti mawlh mawlh a!
Setana'n Evi leh Adama hnena Eden huana a rawn sawi kha 'Lalpa Pathian thatloh thu' (...Pathian ang in lo ni dawn tih Pathianin a hrereng a nih chu) a ni a; vawiin thleng hian 'Lalpa hi a thalo a; a verther a; itsikna a khat a ni a; amah anga kan awm hi a hlau hle a ni' tih ngaihdan kan neih hi a duh ber a ni.
Chuvangin; kan thinlung hian Lalpa a tha hi ti tlat sela; kan ka hian puangchhuak fo sela a va tha dawn em!