#التهاب المهبل#علاج_الحكه
: هو عبارة عن مجموعة من الاعراض بتتميز كلها بالافرازات أو الحكة أو الالم الموضعي (أو الرائحة)

** قبل ما نبدأ خليني أوضح لكم 3 حقائق:

1- التهاب المهبل بيمثل تقريبا 30% من مجمل زيارات السيدات الى الدكاترة.
2- الوسط في المهبل بيكون حامضي (من 3.8 ال 4.5) و ده بتأثير حمض اللاكتيك اللي بتنتجه البكتيريا النافعة Lacto- bacilli
3- البكتيريا النافعة (probiotics) بتكون خط الدفاع الاول ضد اي هجوم بكتيري او فطري.


اسباب التهاب المهبل:

السبب بشكل عام بيكون اما تغير بالتوازن السليم للبكتيريا النافعة او نتيجة عدوى خارجية... او يكون السبب هو انخفاض مستوى الاستروجين.

أنواع التهاب المهبل الشائعة:

تنقسم الانواع الى 3 أنواع...

1- عدوى فطرية (fungal infection): و دي بتكون ناتجة عن فرط تكاثر فطريات مجهرية اسمها (Candida) او المتعارف عليه بفطر الخميرة (Yeast infection)
أعراضها بتكون كالآتي:

*الافرارزات : بتكون لونها ابيض و شبه الزبادى (white cottage discharge) بيكون في حكة و لان في حكة بيوصل هرش و ده بيؤدي الى حرقان اثناء التبول و الجماع.
غالبا مش بيكون في رائجة غريبة او وحشة.