O le va’ai mamao a le Mālō, ua afua ai ona fa’ama’ite le Polokalame o le Ulua’i Seleselega mo Itumālō Palota e 51 i le atunu’u, ina ia unā’ia tagata e ola galulue ma finafinau, e fai fa’ato’aga, fa’asao le gataifale, lalaga ie lauie ma ietoga, fa’afailele lafumanu, ma gaosi meataulima, ma fa’atau atu mo se seleni auā le tausiga o ‘āiga, a’o le tautuaina o nu’u ma Samoa atoa.
O le fa'ai'uga o le vaiaso, na molimauina ai e le Mālō, le seleselega a afio’aga ta’itasi o le Itumālō Palota o Vaimauga #4 e ala i la latou Ulua’i Seleselega. Na foa’i fo’i e le Mālō le 500 tilāpia, 500 faisua fa’apea ma limu mo Vaimauga #4, e fa’asoasoa i ‘ai latou o lo’o mana’omia ia figota ma i’a mo le fa’afaileleina auā ni a latou atina’e. E le gata i lea, ae na tau’ā’aoina ai fo’i ma le seleni masani a le Mālō, mo so’o se Ulua’i Seleselega a se Itumālō Palota e $10,000 mo a latou fuafuaga mamao.