Jesu Yn Sungsahnaw
Sahtu- Phua Te, Hlawphuatu- Thang Za Lian
(1). Sithoinaw hmin kya tuu taraw haw
Luru mua kya Khri Jesu tuh
Laephi misei hae hanlan sithoi nawlan
Do ngan um khyh vaelan kyate
Yn ki ccavae pou ka ccasoi
Sungsahnaw roinepaw te palei yn ko

(2). Ccungccaw nynh tuh mihaw mirum
Mipuithya hynh ah sungsah oh
Thuasalama Jesu oun sungsahnaw tuh
Mingaee ryachi ngawraw lae lei
Ah sei cciamang lya vaelan kya
A hiinnaw pyanua ciate nynh oun sungsah
Lianaw
Ka Bawi Jesu luru mua vaelantung kya
Nuinse sarya te ziabuanaw phuinccing a ing
Oun ngaethya kho lei seinaw um khyh
Misei miding lei thua zemah
Oun sungsahnaw ah hanlan
thang kho boi khyh

(3). Laephi nung te paaw nynh vua vae paw
Misei ccungkia lei thua zemah
Sungsahtu Jesu nynh yn sungsahnaw tuh
Misei hanlan vaelan kyate
Vaawram laanpi kha oun raepya
Oun sungsahnaw khuhang zia hotae um khyh

(4). Miesi nung kha lung te deih lan
Jesu kalan oun cciakhae hae
Jesu nynh sei ngaethyasah luenaw a pya
Thawccitu byapiatu nynh tuh
Sei te phe a beihpaw maw kha
Luesah lah vaaw rho ccoutu thuasah a ci

Thangnaw
Oun sungsahnaw ah hanlan
Zungzae a zaw

Zotung Gospel song, Zotung Hlaw, Pachia Hlaw