ཕྱི་ལོ་ ༢༠༢༢ ཟླ་ ༧ ཚེས་ ༡༩ ཉིན་གྲགས་ཅན་ཆབ་སྲིད་བཙོན་ཟུར་ངག་དབང་གསང་གྲོལ་ལགས་ནས་བོད་ཀྱི་དཔེ་མཛོད་ཁང་གི་སེ་སྒར་ཚན་རིག་ལྟེ་གནས་ཁང་གི་ཡང་ཐོག་ཏུ་ བོད་ནང་གི་ཞི་རྒོལ་དང་མནར་གཅོད་ཅེས་པའི་བརྗོད་གཞིའི་ཐོག་གསུང་བཤད་གནང་།
རྒྱལ་གཅེས་དཔའ་མོ་ངག་དབང་གསང་གྲོལ་ལགས་ནི་ཕྱི་ལོ་ ༡༩༧༧ ལོར་བོད་ཀྱི་རྒྱལ་ས་ལྷ་སར་འཁྲུངས་ཤིང། ཕྱི་ལོ་ ༡༩༩༠ ལོར་རང་ལོ་ ༡༣ ཐོག་ཞི་བའི་ངོ་རྒོལ་གྱི་ལས་འགུལ་ནང་མཉམ་ཞུགས་ཀྱིས་འཛིན་བཟུང་བཙོན་འཇུག་བྱས། རྒྱ་གཞུང་གིས་ཟླ་བ་བཅུ་ཙམ་སྡུག་སྦྱོང་མནར་གཅོད་བཏང་མཚམས་གློད་འགྲོལ་བཏང་ཡང། ལོ་གཅིག་ཙམ་གྱི་རྗེས་སུ་སླར་ཡང་ཞི་བའི་ངོ་རྒོལ་སྐད་འབོད་གནང་སྟེ། བཙོན་འཇུག་དོ་དམ་འོག་ཏུ་ཚུད། ཁོང་གིས་བཙོན་ཁང་ནང་དུ་སྔ་རྗེས་སུ་བོད་མིའི་བདེ་སྡུག་མཚོན་པའི་གཞས་བཏང་བ་སོགས་ཆབ་སྲིད་ཀྱི་ལས་འགུལ་འདྲ་མིན་སྤེལ་སྟབས་བཙོན་འཇུག་གི་དུས་ཡུན་ཐེངས་གསུམ་སྤར་ཏེ། ཁྱོན་ལོ་ངོ་ ༢༣ བཙོན་འཇུག་གི་བཅད་ཁྲ་བཏང་ཡོད། འོན་ཀྱང་རྒྱལ་སྤྱིའི་བོད་དོན་ལས་འགུལ་ཚོགས་པ་དང། འགྲོ་བ་མིའི་ཐོབ་ཐང་ཚོགས་པ་སོགས་ཀྱི་གནོན་ཤུགས་འོག་བཙོན་དུ་མི་ལོ་ ༡༡ བཞུགས་རྗེས་ཕྱི་ལོ་ ༢༠༠༣ ལོར་རང་དབང་ཐོབ་ནས་དེང་སྐབས་ཨ་རིར་གནས་བཞུགས་གནང་མུས།
19 July 2022: NGAWANG SANGDROL, Renowned Political prisoner gives public talk on “བོད་ནང་གི་ཞི་རྒོལ་དང་མནར་གཅོད།” at LTWA Sager Science Center Terrace.
NGAWANG SANGDROL was imprisoned in Tibet for taking part in political rallies in 1990. While she was serving her prison sentence, she and her colleagues continued protests in prison which led to the extension of her prison sentence several times. She was ultimately released from prison in 2003 and managed to arrive in the United States. She currently lives in Boston.