Published On Mar 25, 2023
@quotidianquran 👈🏻 SUBSCRIBE
ಅಧ್ಯಾಯ 79: ಅನ್ನಾಝಿಆತ್ (ಕೀಳುವವರು)
ಸೂಕ್ತ : 1
وَالنَّازِعَاتِ غَرْقًا
ಮುಳುಗಿ, (ಕಠೋರವಾಗಿ) ಕೀಳುವವರ ಆಣೆ.
ಸೂಕ್ತ : 2
وَالنَّاشِطَاتِ نَشْطًا
ಮೃದುವಾಗಿ ಬಿಡಿಸುವವರ ಆಣೆ.
ಸೂಕ್ತ : 3
وَالسَّابِحَاتِ سَبْحًا
ತೇಲುತ್ತಾ ಚಲಿಸುವವರ ಆಣೆ.
ಸೂಕ್ತ : 4
فَالسَّابِقَاتِ سَبْقًا
ಹುರುಪಿನಿಂದ ಮುನ್ನುಗ್ಗುವವರಾಣೆ.
ಸೂಕ್ತ : 5
فَالْمُدَبِّرَاتِ أَمْرًا
(ಜಗತ್ತಿನ)ವ್ಯವಹಾರಗಳನ್ನು ನೋಡಿ ಕೊಳ್ಳುವವರಾಣೆ.
ಸೂಕ್ತ : 6
يَوْمَ تَرْجُفُ الرَّاجِفَةُ
ಭೂಮಿಯು ಅಲ್ಲೋಲ ಕಲ್ಲೋಲವಾಗುವ ದಿನ.
ಸೂಕ್ತ : 7
تَتْبَعُهَا الرَّادِفَةُ
ಅದರ ಬೆನ್ನಿಗೇ ಮತ್ತೆ ಅಲ್ಲೋಲ ಕಲ್ಲೋಲವಾಗುವುದು.
ಸೂಕ್ತ : 8
قُلُوبٌ يَوْمَئِذٍ وَاجِفَةٌ
ಅಂದು ಮನಸ್ಸುಗಳು ಭಯ ಭೀತವಾಗಿರುವವು.
ಸೂಕ್ತ : 9
أَبْصَارُهَا خَاشِعَةٌ
ದೃಷ್ಟಿಗಳು ಭಯದಿಂದ ತಗ್ಗಿರುವವು.
ಸೂಕ್ತ : 10
يَقُولُونَ أَإِنَّا لَمَرْدُودُونَ فِي الْحَافِرَةِ
(ಧಿಕ್ಕಾರಿಗಳು) ಕೇಳುತ್ತಾರೆ ನಾವು ಮರಳಿ ಮತ್ತೆ ಬರಲಿಕ್ಕುಂಟೇ?
ಸೂಕ್ತ : 11
أَإِذَا كُنَّا عِظَامًا نَخِرَةً
ನಾವು ಟೊಳ್ಳು ಮೂಳೆಗಳಾದ ಬಳಿಕ (ಮರಳಿ ಬರುವುದೇ?)
ಸೂಕ್ತ : 12
قَالُوا تِلْكَ إِذًا كَرَّةٌ خَاسِرَةٌ
ಆ ಮರಳಿಕೆಯು ತೀರಾ ನಷ್ಟದ ವ್ಯವಹಾರವಾಗಿದೆ ಎಂದು ಅವರು ಹೇಳುತ್ತಾರೆ.
ಸೂಕ್ತ : 13
فَإِنَّمَا هِيَ زَجْرَةٌ وَاحِدَةٌ
ಅದೊಂದು ಭೀಕರ ಶಬ್ದವಾಗಿರುವುದು.
ಸೂಕ್ತ : 14
فَإِذَا هُمْ بِالسَّاهِرَةِ
ಅದರ ಬೆನ್ನಿಗೇ ಅವರೆಲ್ಲಾ ಒಂದು ಬಯಲಲ್ಲಿ ಸೇರುವರು.
ಸೂಕ್ತ : 15
هَلْ أَتَاكَ حَدِيثُ مُوسَىٰ
ನಿಮಗೆ ಮೂಸಾರ ವೃತ್ತಾಂತವು ತಲುಪಿದೆಯೇ?
ಸೂಕ್ತ : 16
إِذْ نَادَاهُ رَبُّهُ بِالْوَادِ الْمُقَدَّسِ طُوًى
ಅವರ ಒಡೆಯನು ಅವರನ್ನು ಪವಿತ್ರ ‘‘ತುವಾ’’ ಬೆಟ್ಟದಿಂದ ಕರೆದು (ಹೇಳಿದನು);
ಸೂಕ್ತ : 17
اذْهَبْ إِلَىٰ فِرْعَوْنَ إِنَّهُ طَغَىٰ
ಹೋಗಿರಿ ಫಿರ್ಔನ್ನೆಡೆಗೆ, ಅವನು ವಿದ್ರೋಹಿಯಾಗಿದ್ದಾನೆ.
ಸೂಕ್ತ : 18
فَقُلْ هَلْ لَكَ إِلَىٰ أَنْ تَزَكَّىٰ
ಮತ್ತು ಅವನೊಡನೆ ಹೇಳಿರಿ - ನೀನು ನಿರ್ಮಲನಾಗ ಬಯಸುವೆಯಾ?
ಸೂಕ್ತ : 19
وَأَهْدِيَكَ إِلَىٰ رَبِّكَ فَتَخْشَىٰ
ನಾನು ನಿನಗೆ ನಿನ್ನೊಡೆಯನ ಕಡೆಗಿರುವ ದಾರಿಯನ್ನು ತೋರಬಲ್ಲೆನು - ನೀನು ಭಯಭಕ್ತಿ ಉಳ್ಳವನಾಗಬೇಕೆಂದು.
ಸೂಕ್ತ : 20
فَأَرَاهُ الْآيَةَ الْكُبْرَىٰ
ಅವರು ಅವನಿಗೆ ದೊಡ್ಡ ಪುರಾವೆಯನ್ನು ತೋರಿಸಿದರು.
ಸೂಕ್ತ : 21
فَكَذَّبَ وَعَصَىٰ
ಆದರೆ ಅವನು ತಿರಸ್ಕರಿಸಿದನು ಮತ್ತು ಅವರ ಆದೇಶವನ್ನು ಮೀರಿದನು.
ಸೂಕ್ತ : 22
ثُمَّ أَدْبَرَ يَسْعَىٰ
ಆ ಬಳಿಕ ಅವನು ಮರಳಿ ಸಂಚು ಹೂಡ ತೊಡಗಿದನು.
ಸೂಕ್ತ : 23
فَحَشَرَ فَنَادَىٰ
ಮತ್ತು ಜನರನ್ನು ಸೇರಿಸಿ ಕರೆ ಕೊಟ್ಟನು.
ಸೂಕ್ತ : 24
فَقَالَ أَنَا رَبُّكُمُ الْأَعْلَىٰ
ಮತ್ತು ನಾನೇ ನಿಮ್ಮ ಅತಿ ದೊಡ್ಡ ಒಡೆಯನು ಎಂದು ಘೋಷಿಸಿದನು.
ಸೂಕ್ತ : 25
فَأَخَذَهُ اللَّهُ نَكَالَ الْآخِرَةِ وَالْأُولَىٰ
ಕೊನೆಗೆ ಅಲ್ಲಾಹನು ಅವನನ್ನು ಹಿಡಿದು ಪರಲೋಕದ ಮತ್ತು ಇಹಲೋಕದ ಶಿಕ್ಷೆಗೆ ಗುರಿಪಡಿಸಿದನು.
ಸೂಕ್ತ : 26
إِنَّ فِي ذَٰلِكَ لَعِبْرَةً لِمَنْ يَخْشَىٰ
ಭಯಭಕ್ತಿ ಉಳ್ಳವನಿಗೆ ಇದರಲ್ಲಿ ಖಂಡಿತ ಪಾಠವಿದೆ.
ಸೂಕ್ತ : 27
أَأَنْتُمْ أَشَدُّ خَلْقًا أَمِ السَّمَاءُ ۚ بَنَاهَا
ನಿಮ್ಮನ್ನು ಸೃಷ್ಟಿಸುವುದು ಕಷ್ಟವೋ ಅಥವಾ ಆಕಾಶವನ್ನೋ? ಅವನು ಅದನ್ನು ರಚಿಸಿರುವನು.
ಸೂಕ್ತ : 28
رَفَعَ سَمْكَهَا فَسَوَّاهَا
ಅವನು ಅವುಗಳನ್ನು ಎತ್ತರಕ್ಕೇರಿಸಿರುವನು ಹಾಗೂ ಅವುಗಳಿಗೆ ಸೂಕ್ತ ರೂಪ ನೀಡಿರುವನು.
ಸೂಕ್ತ : 29
وَأَغْطَشَ لَيْلَهَا وَأَخْرَجَ ضُحَاهَا
ಅವನು ಇರುಳನ್ನು ಕತ್ತಲಾಗಿಸಿರುವನು ಮತ್ತು ಬಿಸಿಲನ್ನು ಹೊರಡಿಸಿರುವನು.
ಸೂಕ್ತ : 30
وَالْأَرْضَ بَعْدَ ذَٰلِكَ دَحَاهَا
ತರುವಾಯ ಭೂಮಿಯನ್ನು ಹಾಸಿರುವನು.
ಸೂಕ್ತ : 31
أَخْرَجَ مِنْهَا مَاءَهَا وَمَرْعَاهَا
ಅವನು ಅದರಿಂದ ನೀರನ್ನು ಹೊರಡಿಸಿ ಮೇವನ್ನು ಬೆಳೆಸಿರುವನು.
ಸೂಕ್ತ : 32
وَالْجِبَالَ أَرْسَاهَا
ಮತ್ತು ಅದರ ಮೇಲೆ ಪರ್ವತಗಳನ್ನು ಹೊರಿಸಿರುವನು.
ಸೂಕ್ತ : 33
مَتَاعًا لَكُمْ وَلِأَنْعَامِكُمْ
ಇದೆಲ್ಲಾ ನಿಮ್ಮ ಹಾಗೂ ನಿಮ್ಮ ಜಾನುವಾರುಗಳ ಅನುಕೂಲಕ್ಕಾಗಿ.
ಸೂಕ್ತ : 34
فَإِذَا جَاءَتِ الطَّامَّةُ الْكُبْرَىٰ
ಆ ಮಹಾ ವಿಪತ್ತು ಬಂದು ಬಿಟ್ಟಾಗ.
ಸೂಕ್ತ : 35
يَوْمَ يَتَذَكَّرُ الْإِنْسَانُ مَا سَعَىٰ
ಅಂದು ಮನುಷ್ಯನು ತಾನು ಮಾಡಿದ್ದೆಲ್ಲವನ್ನೂ ಸ್ಮರಿಸಿ ಕೊಳ್ಳುವನು.
ಸೂಕ್ತ : 36
وَبُرِّزَتِ الْجَحِيمُ لِمَنْ يَرَىٰ
ಮತ್ತು ನೋಡುವವರ ಮುಂದೆ ನರಕವನ್ನು ತಂದಿಡಲಾಗುವುದು.
ಸೂಕ್ತ : 37
فَأَمَّا مَنْ طَغَىٰ
ವಿದ್ರೋಹ ವೆಸಗಿದವನು -
ಸೂಕ್ತ : 38
وَآثَرَ الْحَيَاةَ الدُّنْيَا
ಮತ್ತು ಇಹಲೋಕ ಬದುಕಿಗೆ ಪ್ರಾಶಸ್ತ್ಯ ಕೊಟ್ಟವನು -
ಸೂಕ್ತ : 39
فَإِنَّ الْجَحِيمَ هِيَ الْمَأْوَىٰ
ನರಕವೇ ಅವನ ನೆಲೆಯಾಗಿರುವುದು.
ಸೂಕ್ತ : 40
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ
ಇನ್ನು, ತನ್ನ ಒಡೆಯನ ಮುಂದೆ ನಿಲ್ಲಲಿಕ್ಕಿದೆ ಎಂದು ಅಂಜುತ್ತಿದ್ದವನು ಮತ್ತು ತನ್ನ ಸ್ವೇಚ್ಛೆಯನ್ನು ನಿಯಂತ್ರಿಸುತ್ತಿದ್ದವನು -
ಸೂಕ್ತ : 41
فَإِنَّ الْجَنَّةَ هِيَ الْمَأْوَىٰ
ಸ್ವರ್ಗವೇ ಅವನ ನೆಲೆಯಾಗಿರುವುದು.
ಸೂಕ್ತ : 42
يَسْأَلُونَكَ عَنِ السَّاعَةِ أَيَّانَ مُرْسَاهَا
(ಪುನರುತ್ಥಾನದ) ಆ ಘಳಿಗೆಯು ಎಂದು ಬರುವುದು? ಎಂದು ಅವರು ಪ್ರಶ್ನಿಸುತ್ತಾರೆ.
ಸೂಕ್ತ : 43
فِيمَ أَنْتَ مِنْ ذِكْرَاهَا
ಅದನ್ನು ಪ್ರಸ್ತಾಪಿಸಿ ನಿಮಗೆ ಏನಾಗಬೇಕಾಗಿದೆ?
ಸೂಕ್ತ : 44
إِلَىٰ رَبِّكَ مُنْتَهَاهَا
ಆ ಕುರಿತು ಅಂತಿಮ ಜ್ಞಾನವು ನಿಮ್ಮೊಡೆಯನ ಬಳಿ ಇದೆ.
ಸೂಕ್ತ : 45
إِنَّمَا أَنْتَ مُنْذِرُ مَنْ يَخْشَاهَا
(ದೂತರೇ,) ನೀವಂತು ಭಯ ಭಕ್ತಿ ಉಳ್ಳವರನ್ನು ಎಚ್ಚರಿಸುವವರು ಮಾತ್ರ.
ಸೂಕ್ತ : 46
كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا
ಅವರು ಅದನ್ನು (ಪರಲೋಕವನ್ನು) ಕಣ್ಣಾರೆ ಕಂಡಾಗ, ತಾವು (ಇಹಲೋಕದಲ್ಲಿ) ಕಳೆದುದು ಕೇವಲ ಒಂದು ಸಂಜೆ ಅಥವಾ ಒಂದು ಮುಂಜಾನೆ ಮಾತ್ರ ಎಂದು ಕೊಳ್ಳುವರು.
#kannadaquran #kannada #quraninkannada #quran #islam #karnataka #arabic #translation #annaziat #snatcher #kannadaannaziat #